Skip to Content

په‌یوه‌ندی …. نه‌ژاد عزیز سورمێ

په‌یوه‌ندی …. نه‌ژاد عزیز سورمێ

Closed
by كانونی یه‌كه‌م 5, 2016 General, Poems

(1)
دوو لوتكه‌ی دوو كێون ..
به‌فر هات ،
ماچی
ڕووباری
شێتی كرد..
تۆلازی ڕۆما
دێن سه‌ری (ئۆڤید)ی شاربه‌ده‌ر
ده‌بڕن و
ده‌یخه‌نه‌ (ده‌ریای ڕه‌ش)ـه‌وه‌ .

(2)
زێڕوه‌شێن خه‌نجه‌ری له‌كایه‌.
بۆ ئه‌و ،
باڵی شه‌كه‌تی قه‌قنه‌س سه‌مایه‌ !!
سه‌مای ده‌سماڵان ..
زێڕوه‌شێن خه‌نجه‌ری له‌كایه‌..
(3)
دره‌ختی نایلۆنی به‌ر په‌نجه‌ره‌
چوار وه‌رز تێك ده‌كاته‌وه‌ ..
ئه‌و دره‌خته‌ ،
دارپه‌شیمانی( ئه‌پۆلۆ ) نییه‌
خه‌ونی بزڕكاوی
زیندووه‌ ، مردووه‌كانه‌
كه‌ دوو لوتكه‌ی دوو كێوی
تیا پێك ده‌گه‌ن .

10/ 1985

Previous
Next
Kurdish