Skip to Content

99 Views

قاوه‌ڵتی … سه‌ردار جاف

قاوه‌ڵتی … سه‌ردار جاف

Be First!
by November 16, 2019 General, Poems
image_print


سپێده‌یه‌كی ته‌زیوه‌
ڕحم به‌ به‌ر ده‌رگای قه‌ڵای گه‌ڵای زه‌ردا
هه‌ڵواسیوه‌
ژه‌مێ ماچی ته‌حریمكراو
هه‌ناسه‌ی سینه‌ی ته‌نیوه‌
تۆ له‌ سه‌مای گه‌ڵا و چرپه‌ی له‌نجه‌ته‌وه‌ هه‌نگاو ده‌نێی
ڕێگای دوور دوورت بڕیوه‌
سپێده‌یه‌كی كزه‌ سارد
كچێ … ژنێ له‌ ته‌پ و تۆزی شه‌یدایی
ماندوو ماندوو
ده‌نك ده‌نك ته‌سبیحه‌ كۆنه‌كه‌ی باوكمی ژمارد
نم نم باری ، بوو به‌ كه‌پكه‌به‌فرو وه‌ری
له‌ دوو فروشتوكی به‌یان
هاته‌ كنم و ڕۆحی به‌ دامێنی له‌ته‌ نانێ سپارد
له‌ ته‌ك چۆله‌كه‌ی قه‌د دیوار بوونه‌ هاوده‌می یه‌كتر و
نیگایان بۆ یه‌ك ده‌نارد
سپێده‌یه‌ك سه‌رد و ته‌ژی له‌ شنه‌با
خه‌رمانی ته‌مه‌نم هه‌روا
له‌ كتیبی دڵما نه‌نوێ و
جۆلانه‌یی به‌ سه‌ر نه‌با …!!!!
ژوانی ڕۆح له‌ خه‌ڵوه‌تێكی سۆماما پڕ دییه‌با
ئه‌و ده‌مانه‌ گریان به‌ خوڕ
ده‌بوونه‌ گه‌ڕه‌لاوژه‌یه‌ك
به‌ حه‌سره‌تی ئیشقێ دوه‌بووین كه‌ هه‌ر نه‌با
سپێده‌یه‌كی ته‌ڕته‌ڕه‌
له‌ ئاونگ و شه‌ونم ده‌چێ
مژده‌گوڵی ڕه‌وینه‌وه‌ی غوربه‌تێكه‌
جوانتر له‌ خۆی ، خۆی ده‌نوێنێ
بۆنی هه‌ولێری هێناوه‌ و
ژوان به‌ بای ئه‌م سپێده‌ ده‌شوبهێنێ
بۆنی رلاِێحانی گرتووه‌
مێخه‌كم بۆ له‌ ئاو ده‌نێ

فرانكفۆرت
12 / 11 / 2019

Previous
Next

Leave a Reply