Skip to Content

149 Views

ئەدەبی منداڵان: دوو چیرۆک … و:  فەرهاد ئەحمەد بەرزنجی

ئەدەبی منداڵان: دوو چیرۆک … و: فەرهاد ئەحمەد بەرزنجی

Be First!
by December 5, 2019 General, Kids Literature

چیرۆکی /هێشووە ترێ
نویسنی/زوهێر رسام وەرگێڕانی لەعەرەبییەوە /
فەرهاد ئەحمەد بەرزنجی

هێشووە ترێیەک شانازی بەبۆڵە گەورەکانی خۆیەوە دەکرد؛ بەدڵێکی خۆشەوە دەیوت:(من هێشوویەکی زۆر تایبەتیم لەهیچ رەزێکدا لەوێنەی من نییە)۰
قەدەکەی وتی:ئای چەند دڵخۆشم!کەبەم جوانییەوە دەتبینم؛بەڵام کاری منت لەبیر نەچێت که هەڵتدەگرم و خواردنت پێدەگەیەنم۰
گەڵاکان وتیان:ئێمەش لەگەرمای خۆر دەتپارێزین ؛تۆبەهۆی ئێمەوەئەو تامە خۆشە پەیدا دەکەیت و دەبیتە خۆراک؛تکایە ئەرکی ئێمەش لەبیرمەکە۰
دواجار ئەو چڵەی هێشووەکەی هەڵگرتبوو وتی: منیش بەرزمکردویتەوە تا بە ئاسانی هەوا هەڵمژیت وتیشکی خۆر لێت بدات۰ ئێمە دڵخۆشین کە هێشوویەکی جوانی وەک تۆمان پێوەیە؛بەڵام کاری ئێمەش لەبیر مەکە۰
پاش که مێک بێدەنگی کۆترێک هاتە لایانەوەو وتی:ببورن هەمووتان هەڵەکەی هێشووی هاورێتان دووبارەکردەوەو تەنها باسی خۆتان کرد؛تکایە گرنگی ڕەگ لەبیرمەکەن ۰ڕەگ خۆراک و ئاوتان بۆکۆدەکاتەوەو لەزەویتان دەچەسپێنێت تابەرگەی ڕەشەباو گەردەلوول بگرن۰
هەمووان بەیەک دەنگ وتیان ڕاستە
[ درەخت بەبێ ڕەگ ناژی]۰


تاقیکردنەوەیەکی چێژبەخش
نوسینی / عماد یونس
وەرگێڕانی لە عەرەبییەوە
فەرهاد ئەحمەد بەرزنجی


ئلیانا بەیانیباشی لەباپیرەی کردو پێیوت:باپیرە حەزدەکەم موگناتیسێک دروستبکەم۰هاوکاریم دەکەیت؟ باپیرە وتی :بێگومان!ئەمە کارێکی زۆر گران نییە؛چونکە پێ ویستی بەهەندێ کەلوپەل هەیە کەلەهەموماڵێکدا دەستدەکەون۰بزماری درێژ؛پارچەیەک وایەری مس و پیلێک۰ باپیرە بەدەم گفتوگۆوە کەلوپەلەکانی ئامادەکرد۰
باپیرەو ئلیانا دەستیانکردبەتاقیکردنەوەکە۰ سەرەتا بەشی ناوەڕاستی وایەرەکەیان نزیک لەیەکەوە ئاڵاند لەبزمارەکەوە؛پاشان هەردو سەرە بەرەڵاکەی وایەرەکەیان هێنا؛سەرێکیان لەجەمسەری نێگەتیڤ و سەرەکەی تریان لەجەمسەری پۆزەتیڤی پیلەکە توندکرد۰
بینیان کاتێک تەزوی کارەبای پیلەکە بەناو وایەرەکەدا تێدەپەڕێت؛بزمارەکە دەبێت بە موگناتیس و هەرپارچە ئاسنێکی لێ نزیک بکرایەتەوە؛ڕایدەکێشاو دەیگرت۰ کاتێکیش یەکێک لەسەری وایەرەکان لەجەمسەری پیلەکە دەکردەوە؛هەموئەو پارچە ئاسنانەی کەبەبزمارەکەوە نوسابون دەکەوتنە خوارەوە۰ باپیرە کەبینی ئلیانا بەو تاقیکردنەوەیە زۆر دڵخۆشە؛موگناتیسێکی بەدیاری دا بەئلیانا۰
ڕۆژی دواتر ئلیانا هاورێکانی کۆکردەوەوپێیوتن:سەیرکەن ئێستا چ جادویەک دەکەم!ئلیانا کۆمەڵێک دەرزی و بزماری لەسەر مێزێک داناو بەشێوەیەکی نهێنیش پارچە موگناتیسەکەی لەژێر مێزەکەوە دەجوڵاند۰ کاتێک هاورێکانی دەیانبینی دەرزی و بزمارەکان دەجوڵێنەوە؛سەرسام دەبون و دەیانوت:سەیرە؛ئەمەچۆن رودەدات؟ ئلیانابەسەهاتەکەی بۆگێڕانەوەو پێیوتن کەباپیرەی چۆن هاوکاریی کردووە لەو تاقیکردنەوە چێژبەخشەدا۰

Previous
Next

Leave a Reply