Skip to Content

کورتەنامەی شیعریی .. ڕستی دەهەم … فەتاح حەسەن

کورتەنامەی شیعریی .. ڕستی دەهەم … فەتاح حەسەن

Closed
by كانونی یه‌كه‌م 24, 2019 General, Poems

دووری، نابێتە مایەی دابڕان
وەلێ بێدەنگی .. با.


رەشەبا زیندووە
ئەی ئەوە نییە لورەی دێت.
دەریا زیندووە
گوێ بۆ شەپۆلەکانی رادێرە
منیش زیندوم
گوێ لە ناڵەی دڵم بگرە


دڵم وا ڕاھێناوە بەبینینی تۆ،
زیكر بكا و حاڵي لێبێ ..
كە، تۆ نەبینم،
زیكری چی و حاڵی چی؟!


ترپەی دڵی من و
تەپڵی دەروێش
ھێزی ڕاكێشانی زەوی و مانگە.



ئەلزھایمەر ناخۆش نییە
بەومەرجەی
خۆشەویستەكەت لەبیرنەكەی.


من، ناتوانم کە، پێتبڵێم
خوات لەگەڵبێ بەیەکجاریی.. نا
وەلێ کە، خۆت دەیڵێی
ئای، کە لەپشتەوە جوانی.


هەرکات زانیت
کەسێك هەیە و
لەمن زیاتر خۆشیدەوێیت،
بێ منەت بە، لەبیرمکە.

فەتاح حەسەن
دانیمارك / ڤالبی

2018
.

mm

دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.

Previous
Next
Kurdish