Skip to Content

218 Views

سوپاس، نەھاتی ! … نەوزاد بەندی

سوپاس، نەھاتی ! … نەوزاد بەندی

Closed
by December 27, 2019 General, Poems

سوپاس ..

بەلایەنی کەمەوە
وات کرد
ئوتومبیلەکەم بکەم بە گوڵ
دوای ئەوەی مانگ زیاترە
بووە بە تەپۆڵکەیەک قوڕ و
زبڵ

سوپاس
بەلایەنی کەمەوە
وات کرد
لە ئەرشیفی کانتۆرەکەم
بۆ بۆینباخی گوڵ گوڵ بگەڕێم ..
سوپای زاڵی برنجی قژم
تێک بشکێنم و
سروود بۆ ھێزی
پاشەکشەکردووی
ماشەکەی بڵێم ..

سوپاس
بە لایەنی کەمەوە
وات کرد
چەند سەعاتێ
بیر لە ڕۆژێکی جیاواز کەمەوە ..
دوو کوپ قاوەی گەرم،
تۆزێ ھەناسەی سوار و
کە خەڵکێک بە لاما بڕۆن،
ئاوڕ بەمەوە ..

سوپاس
کە وات کرد ،
بیرێ
تۆزێ بیر
لە یەک دوو سەعات
تایبەت
بە ژیانی خۆم بکەمەوە ..

سوپاس ،
نەھاتی !

Previous
Next