Skip to Content

عێراق له‌ پاش ڕووخانی ڕژێمی به‌عسه‌وه‌ …  ئه‌حمه‌د كامه‌ران

عێراق له‌ پاش ڕووخانی ڕژێمی به‌عسه‌وه‌ … ئه‌حمه‌د كامه‌ران

Closed
by كانونی دووه‌م 5, 2020 General

له‌ ساڵی 2003 دا وێستیه‌گی ڕه‌شی سیاسه‌تی عێراق كۆتایی هات كه‌ ئه‌ویش به‌ كۆتایی هاتنی ڕژێمه‌ دیكتاتۆره‌كه‌ی به‌عس بوو، له‌گه‌ڵ ئه‌وه‌شدا ئیتر گه‌لی عێراق وا ئومێدیان خواست كه‌ عێراق به‌ره‌و وێستیه‌گه‌یه‌كی سیاسی سپی و ڕووناك هه‌نگاو ده‌نێت كه‌چی ئومێده‌كه‌یان پێچه‌وانه‌ بوو به‌هۆی ئه‌وه‌ی عێراق كه‌وته‌ لێواری وێستگه‌یه‌كی ڕه‌شتری حوكمداریه‌تی شیعه‌كانه‌وه‌ ، كه‌ سه‌رده‌مانێك له‌لایه‌ن ڕژێمی به‌عسه‌وه‌ چه‌وسێنرابوونه‌وه‌ به‌ڵام سه‌رده‌م پێچه‌وانه‌وه‌ بووه‌.
ئێستا ئه‌وان ته‌واوی خه‌ڵكی عێراق ده‌چه‌وسێننه‌وه‌ به‌هۆی ئه‌و ململانێ و گه‌نده‌ڵیانه‌ی كه‌ له‌نێو گۆڕپانی عێراق درووستیان كردوه‌ ،چوونكه‌ ئه‌م حكومه‌ته‌ی كه‌ پێی ده‌گوترێت حكومه‌تی شیعه‌ ده‌وڵه‌تیان له‌ یه‌ك ڕیزیه‌وه‌ گۆڕیوه‌ بۆ میلیشیا و گرووپ، كه‌ هه‌رجارێك گوێبیستی میلیشیاو گرووپێكی جیاواز ده‌بینه‌وه‌ كه‌ئه‌م گرووپانه‌ وای له‌ عێراق كردوه‌ به‌رده‌وام له‌ گه‌رمه‌ی ململانێدا بێت، وه‌ هه‌روه‌ها له‌هه‌مان كاتیشدا بووه‌ هه‌لێكی گه‌وره‌ بۆ ئێران كه‌ ته‌واوی هه‌ژموونه‌كانی خۆی له‌ عێراق بسه‌پێنێت و ته‌واوی پرسه‌كانی وڵاته‌كه‌ی له‌ ڕێگای ئه‌و میلیشیا وگرووپانه‌ی كه‌ له‌نێو عێراق هه‌ن چاره‌سه‌ر بكات .
له‌هه‌مان كاتیشدا له‌ عێراقه‌وه‌ ده‌یه‌وێت په‌یامه‌كانی خۆی بۆ ڕۆژهه‌ڵاتی ناوه‌ڕاست و ته‌واوی جیهان بگه‌یه‌نێت كه‌ خۆی له‌ بنه‌ڕه‌تدا به‌شێكی ئه‌و گرووپانه‌ به‌رپرسه‌كانیان له‌ ئێرانه‌وه‌ فه‌رمان وه‌رده‌گرن، به‌ شێوه‌یه‌كی ڕوونتر ئه‌وه‌یه‌ كه‌ ئێران ده‌یه‌وێت هه‌موو هێزی خۆی بخاته‌ گه‌ڕ بۆ لاوزكردنی ئه‌مریكایه‌ له‌ نێو ڕۆژهه‌ڵاتی ناوه‌ڕاستدا به‌ پێچه‌وانه‌شه‌وه‌ ئه‌مریكا هه‌مان سیاسه‌تی هه‌یه‌ كه‌ ده‌یه‌وێت ده‌ستی ئێران له‌ نێو ڕۆژهه‌ڵاتی ناوه‌ڕاستدا سنوردار بكات ، له‌ گه‌ڵ ئه‌وه‌شدا له‌م نێوه‌نده‌ عێراق بۆته‌ یاریگایه‌ك بۆ یاریزانه‌كانی ئێران و ئه‌مریكا ، كه‌ هه‌رچه‌نده‌ له‌ كۆتاییه‌كانی ساڵی 2019 وه‌ كه‌ له‌ سه‌ره‌تای مانگی ئۆكتۆبه‌ره‌وه‌ ده‌نگێكی ناڕه‌زایه‌تی گه‌وره‌ له‌ عێراق به‌رزكرایه‌وه‌ دژی ئه‌م حكومه‌ته‌ شیعه‌یه‌ به‌ڵام له‌سه‌ره‌تادا خۆپیشاندانه‌كان به‌شێوه‌یه‌كی ئاسایی له‌ قه‌له‌م ده‌دران كه‌ ده‌گوترا ڕه‌نگه‌ هه‌فته‌یه‌ك یان دووهه‌فته‌ بخایه‌نێت و له‌ پاشان خۆپیشاندانه‌كه‌ كۆتاییان پێ ده‌هێنرێت، به‌هۆی ئه‌وه‌ی له‌ ساڵانی ڕابردوو چه‌ندین خۆپیشاندان له‌ عێراق ڕوویان دابوو به‌ڵام هه‌رزوو كۆتایی پێ هات، به‌ڵام ئه‌وه‌ی ئه‌م جاره‌ به‌هۆی تووڕه‌یی چه‌ندین ساڵه‌ی گه‌لی عێراقه‌وه‌ له‌ ده‌ستی ئه‌م حكومه‌ته‌ میلیشیایه‌وه‌ كه‌ بووه‌ هۆی ئه‌وه‌ی كه‌ خۆی له‌ زیاتر له‌ سێ مانگ بدات، جگه‌ له‌وه‌ی كه‌ به‌چه‌ندین كووشتن و برینداری لێكه‌وته‌وه‌ به‌ڵام نه‌بووه‌ هۆی كۆتایی پێ هاتنی خۆپیشاندانه‌كه‌یان.
له‌گه‌ڵ به‌رده‌وامی خۆپیشاندانه‌كانیان كه‌چی له‌ كۆتا ڕۆژی ساڵی 2019 كه‌ گرووپێك له‌ حه‌شدی شه‌عبی له‌گه‌ڵ چه‌ندین به‌رپرسی نێو حه‌شده‌كه‌ش له‌گه‌ڵیان دابوون كه‌ هێرشیان كرده‌ سه‌ر كونسڵخانه‌ی ئه‌مریكا له‌ به‌غداد و زیانێكی مادی به‌ر كونسڵخانه‌كه‌یان گه‌یاند ، هه‌روه‌ها ئه‌و هێرشه‌ی سه‌ر كونسڵخانه‌كه‌ له‌گه‌ڵ ئه‌وه‌ هات كه‌ ئه‌مریكا و ئێران و دووباره‌ ده‌ستیان كرده‌وه‌ به‌ بۆردومانكردنی باره‌گاو بنكه‌ سه‌ربازیه‌كانی یه‌كتره‌وه‌ به‌ڵام ئه‌م ڕووداوانه‌ كاریگه‌ری له‌سه‌ر خۆپیشانده‌رانی درووست نه‌كرد و خۆپیشانده‌ران به‌رده‌وام بوون له‌ خۆپیشاندانه‌كانی خۆیان.
به‌ڵام له‌ بێده‌نگی چه‌ند ڕۆژه‌ی ئه‌مریكا بۆسه‌ر كونسڵخانه‌كه‌ی له‌ عێراق كه‌ به‌گه‌وره‌ترین كونسلخانه‌ هه‌ژمار ده‌كرێت له‌ جیهان دا به‌ڵام بۆ دواجار له‌ دره‌نگانی شه‌وی هه‌ینی به‌رواری 3|1| 2020 ئه‌مریكا بێده‌نگیه‌كه‌ی شكاند و له‌ ڕێگای فرۆكه‌یه‌كی بێ فرۆكه‌وانه‌وه‌ له‌ نزیك فڕۆكه‌خانه‌ی عێراقدا موشه‌كێكی فڕێدا خواره‌وه‌ كه‌ له‌ ئه‌نجامدا قاسم سوله‌یمانی فه‌رمانده‌ی سووپای پاسدارانی ئێران وه‌ هاوكاتیش ئه‌بو مه‌هدی موهه‌ندیس كه‌ به‌ كه‌سایه‌تیه‌كی دیاری نێو حه‌شدی شه‌عبی داده‌نرێت له‌ عێراق له‌گه‌ڵ چه‌ندین فه‌رمانده‌ی دیكه‌دا كووژران،به‌ڵام ئه‌وه‌ی كه‌ جێگای تێبینی بێت ئه‌وه‌یه‌ كه‌ سه‌رۆكی ئه‌مریكا دۆناڵد تره‌مپ له‌ شه‌وی سه‌ری ساڵدا له‌ فلۆریدیا ڕای گه‌یاند كه‌ ئه‌م ساڵ پێشبینی جه‌نگ له‌گه‌ڵ ئێران ناكه‌ن كه‌چی له‌ پاش دوو ڕۆژ كه‌سایه‌تیه‌كی گه‌وره‌ی ئێرانی كه‌ له‌ هه‌مان كاتیشدا به‌ ئه‌ندازیاری ڕابه‌ری كۆماری ئیسلامی ئێران داده‌نرا له‌ نێو ڕۆژهه‌ڵاتی ناوه‌ڕاست و به‌تایبه‌تی له‌ عێراق كه‌ ته‌واوی به‌رپرسه‌ باڵا شیعه‌كانی عێراق ملكه‌چی خۆیان بۆ بڕیاره‌كانی قاسم سوله‌یمانی نیشان ده‌دا، هه‌ربۆیه‌ به‌ كووشتنی قاسم سوله‌یمانی ده‌توانم بڵێم له‌ ئێستاوه‌ زه‌نگی جه‌نگه‌ خوێناویه‌كه‌ لێدرا له‌ نێوان (ئه‌مریكا و ئێران) به‌ڵام ئه‌وه‌ی كه‌ نادیاره‌ بریتیه‌ له‌ ده‌ستپێكردنی جه‌نگه‌كه‌و كۆتایی پێهاتنی جه‌نگه‌كه‌، به‌ڵام ئومێدی ئه‌وه‌ ده‌خوازم كه‌ نه‌ده‌ستپێكی هه‌بێت و نه‌ كۆتاییشی هه‌بێت چوونكه‌ ده‌رئه‌نجامه‌كه‌ی له‌ قازانجی هیچ لایه‌ك دانیه‌ به‌ڵكو خه‌ڵك له‌م نێوه‌نده‌دا ده‌بێته‌ قوربانی ، بۆیه‌ باشترین ڕێگا بریتیه‌ له‌ گفتگۆ و دیالۆگی دیبلۆماسیانه‌ له‌نێوان هه‌ردولا نه‌ك به‌ جه‌نگ و كووشتاری…

Previous
Next
Kurdish