Skip to Content

320 Views

ئێمە … تێکست : د. چیا زەنگەنە  وەرگێڕانی : پشکۆ ناکام

ئێمە … تێکست : د. چیا زەنگەنە وەرگێڕانی : پشکۆ ناکام

Closed
by January 7, 2020 General, Poems
     


ئێمە
گەلێکین تووشی
لەخۆبایی بوون
و
خۆ بەزلزان
و
خەفەت بار بووین
حەزمان لە تەخشان و پەخشان
رابواردن
خۆشگوزەرانی
بەڵام ئێمە
“برسی”ترین گەلین
بە ریکلامەکانیش : شتێکی ترین
ئێمە لە گوللە نازانین
نە کوشتن..نە تیرۆر
بەڵام چونکە
” عورفی”شەڕکردن نازانین
شەڕ ئەکەین
لەیەک جیاوازین
و
بۆ ئەوەی ” سیاسەت” بخەینەکار
هەر هاوار ئەکەین

ووڵاتێک
هاووڵاتییەکەی لەسەر
سندوقی دەنگ دان
بوە بە كاڵا
ئەکڕێین و ئەفرۆشرێین
وەک:
دیاری و بووکە شوشە
وەک یاری مناڵان
لە دواوەوەی
هەر جوزەلەژەن
و
عەمامە بەسەر
و
سەرکردەیەک (!!!)
سەما ئەکەین
باس لە پێشکەوتن! لە شارستانیی
لە جیهان بینی
بەردەوام ئەکەین
كەچی تا ئێستاش
مناڵەکانمان فێرئەکەین
چۆن وێنەی ” تفەنگ” بکەن
چۆن تانک و دەمانچە وێنا بکەن
و
چۆن چەپڵە لێ بەن
و
سەما بکەن
بۆ سەرکردەکانمان
بۆ سەرکرداتییەکانمان
بۆ ژێرکەوتن و سەرکەوتنەکانمان
بۆ ڕاکردن و نەبەرد بەجێ هێشتنەکانمان
بۆ ئەوانەی
هەر دەنگێکی ئازدیان
لە سێدارە یا
و
هەموو خەوێک
و
هەر کەسێک ویستی
فێری نووسین بێ
لەبار برد
لەناو برد

Previous
Next