Skip to Content

سەردەمێک کە زوو دێت و ئاسان تەواو دەبێت … شەنگار سابیر

سەردەمێک کە زوو دێت و ئاسان تەواو دەبێت … شەنگار سابیر

Closed
by شوبات 16, 2020 General, Poems

ھەمووی بەھۆی تەنیایی قوڵی بەشەرەوەیە
کە قیامەت زوو دێت و ژیان زوو تەواو دەبێت،
بەھۆی ساردیی زەمەنەوەیە
کە زستان زوو دێت و خودا زوو تەواودەبیت.
ھەرشتێک کە وێران دەبێت
سەرەتاکەی وا لە بێباکی قوڵی ژیاندایە،
کە بێ ھیچ حیکمەتێک دێت و گەمژانە زوو تەواو دەبێت.
ئەم ھەموو تاریکییەی کە دێت و
رۆحمان بە قەترانی خۆی رەش دەکات،
بەھۆی دڵتەنگی ئەبەدی ئێمەوەیە
کە بەیانیان زوو دێت و شەوان ئاسان تەواو دەبێت.
ھەرکات دەستدەبەین بۆ گوڵێکی غەمگین
ھەرکات بۆنی تریاکێکی شێدار دەکەین
بەھۆی تەزیوی حیکایەتەکانمانەوەیە،
کە گوڵ زوو سیس دەبێت و جوانی ئاسان خۆی وندەکات،
ئیشراق خێرا تەواو دەبێت.
دەچینە ھەر بەھارێکەوە
بۆن بە تەری ھەر شەوبۆیەکەوە دەکەین،
بەھۆی وەحشەتی دێرینی مێژوومانەوەیە
کە بەھار زوو دەروات و گیا حەکیمانە زەرد دەبێت.
لەھەر چەمێک…بەئاوی ھەر کانییەک روخسارمان
دەشۆین،
بەھۆی ئەم تەپوتۆزە دێرینەی خوداوەیە
کە جەھەنەم زوو دێت و بەھەشت لە گوماندا ئاسان تەواو دەبێت.

mm

دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.

Previous
Next
Kurdish