Skip to Content

دووای جەنگ … جۆن باڵەبان

دووای جەنگ … جۆن باڵەبان

Closed
by كانونی یه‌كه‌م 17, 2016 General, Poems

دوای جەنگ،جەستەی شەق شەقکراو–
چاوی هەڵکۆڵدراو،
گوێچکەی خوساو،
شەویلگەی تێکوپێکشکاو،
لێوی کون کونکراو،
ئێسکی قاچی جێماو
لەتە چەرمی زیواڵ زیواڵکراو ،
پەنجەی پێ–
هەمویان رامابون، هەڵدەپەرین، دەیان نوسکاند.
لاشەی عەورەت لە هەمویان نامۆتر بو،
کە چەشنی کرمۆکە بەسەر رێگاکانەوە گینگڵیان دەدا.
زیندووەکان پێویستییان پێبون بەڵام وەختێک سودێکیان مابا،
بێگومان مردووەکان هیچ پێویستییان پێ نەمابون.

تارماییەکان-
دەیان هەزار رۆ‌حی جێماو کە لەسەر شەقامەکانی شار،
لەسر مێزی کەنیسەی ئێواران،
لەسەر پاشماوەی کەلاوەکان
چەشنی روفاتی تەم دەردەکەوتن،
بێگومان هیچ پێویستییان بە لاشە تێکشکاو و جێماوەکانیان نەمابو.
چونکە تارماییەکان پێیانوابو بەبێ ئەوان جوان دیاننواند.
چونکەهەموو شتێک دەگەرێتەوە سەر ڕەچەڵەکی ئەسڵی خۆی دواجار
پاشماوەکان چەشنی پەناهەندەی رەنگپەریو دەگەیشتنە ویلایەتە یەکگرتووەکان،
کە جۆرێک لە مال وابو بۆیان.
ئیتر هەر لەبەر ئەوەیە ئەمرۆ جارجار هاورێیەک یان کەسێکی ناودار دەبینی
لە ژێر دوو لێوی زلەوە کەبەسەر روخساریدا پانبونەتەوە، قسەی پوچ دەکات،
ئیتر هەرلەبەر ئەوەیە زۆرجار تەوقەکردنیش شتێکی بێزراوە.
ئیتر هەرلەبەر ئەوەیە زۆرجارواباشترە چاو نەبرینە چاوی یەکتر
ئیتر هەرلەبەر ئەوەیە تائێستاش لەسەر سنگی کیژۆڵەکان ئاسەواری کۆنە برین زقبۆتەوە.
دوای جەنگ،
لەگەل ئەوبزە قەبیحەی سەرلێومان،
تۆ بڵێی چیرۆکە کۆنەکان هێشتا راستی نوێمان پێبڵێن؟
تۆ بڵێی هێشتا جیهان میتافۆری تازەمان بۆ تەفسیر بکا؟
دوای جەنگ، ئەی دەبێ خۆشەویستی چۆن بێتە گۆ؟

جۆن باڵەبان
لە ئینگلیزییەوە: بینایی

binaiy85@gmail.com
———————————–
سەرچاوە:
http://www.blackcatpoems.com/b/after_our_war.html

mm

دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.

Previous
Next
Kurdish