Skip to Content

ڕۆژێک دادێت …  بەناز فاتیح

ڕۆژێک دادێت … بەناز فاتیح

Closed
by April 7, 2020 General, Poems

دەرگا لەسەر جیهانی خۆم
دادەخەم و
بەخۆم دەڵێم
ئیدی تەنها
خۆتت بەسە!
رۆژێک دادێت
کە سەیری ئاسمان دەکەم
بە خۆم دەڵێم
ئیدی زەمین
تۆی وەدەرنا
لێرە تەنها
ئازادیت بەسە!
رۆژێک دادێت
کە سەیری خۆم دەکەمەوە
بە خۆم دەڵێم
بێدەنگیت
تاریکیت
دێوانەییت
بۆچی لە ماڵی شیعرێکدا
بەجێ نەهێشت!!!
رۆژیک دادێت…

بەناز فاتیح

Previous
Next