Skip to Content

له‌ ده‌ستم دێ … شیعری شه‌هید: زانا مه‌حموود حه‌مزه‌

له‌ ده‌ستم دێ … شیعری شه‌هید: زانا مه‌حموود حه‌مزه‌

Closed
by April 17, 2020 General, Poems


به‌ سه‌ر لوتكه‌ به‌رزه‌كانی هه‌دادانا سه‌ر ده‌كه‌وی
تا له‌ كۆشی ته‌م و مژا ئارام بگری
به‌ نێو ئاسمانی بێ كۆتای خه‌ونه‌كانتا
ڕێگه‌ی نه‌هاتنه‌وه‌ ده‌گری
ماوه‌ی چواره‌م دروست ده‌كه‌ی
تا له‌ نێوان كه‌وشه‌نی تۆ و ڕه‌شه‌بادا
خه‌ونه‌كانت ، ئه‌سوتێن و
مه‌بادا … هیوا و ئاواتی زڕت ڕادا
تووڕه‌ بوونت، ئه‌ستێره‌كه‌ی نیگام ڕادا
*
ده‌زانم كۆشكی خه‌یاڵت
له‌ شوشه‌یه‌ و به‌ پلارێ
ده‌توانم ورد و خاشی كه‌م
ده‌زانم دڵت شاریكی ..
سڵۆكی ژێر هه‌وری تاره‌
له‌ ده‌ستم دێ .. به‌ ئاسانی كاوڵاشی كه‌م

به‌ڵام چبكه‌م دڵم نایه‌
چی گوڵی زه‌ردی لێوته‌
به‌ ماچێكی پڕ له‌ ڕاستی بژاكێنم
گه‌ڵای گه‌شی سۆز و نازت
به‌ هه‌ناسه‌م هه‌ڵوه‌رێنم

Previous
Next