Skip to Content

ژوانی یاد گه‌شاو … محه‌مه‌د عه‌تا

ژوانی یاد گه‌شاو … محه‌مه‌د عه‌تا

Closed
by May 9, 2020 General, Poems


ئەرێ لە کوێی
ئەی جوانترین خەمی دڵم
سەوزترین نیگای دوێنێ
ئەی گەرمترین ئامێز و یادەوەریم …..
ئەرێ لە کوێی
خۆ ھێشتا خەندەی نێوانمان ، بۆنی چرۆی نەکرد بوو
خۆ ھێشتا نەماندەزانی گوڵە پاتۆنی چ ڕەنگە
خۆ ھێشتا سپێدەمان پشووی نەدابوو
ئەرێ لە کوێی
لێرە ھیچ وەک خۆی نەماوە
خەون و ئاواتمان سڕبووە
کە لێرە نیت
کۆڵانەکە
لە شەقامی دۆزەخ دەچێ
ھەموو شتێ ھەر بۆنی دووکەڵی لێ دێ
وا لەشکری بێ تاقەتی
دیلی کردووم
کە لێرە نیت
پەمووە دڕکاویەکانی ژین
ھێدی ھێدی
دڵی پەشمەکینی خەمم دەکاتە بەرد
کە لێرە نیت
سەراپای ژینم سەرابە
سەرقافڵەی وەرزانم خەزان

سلێمانی

Previous
Next