Skip to Content

778 Views

شـــەوی یەڵـــدایـە؛ (لاڤــا)م لامـەکــە … بۆتان لەتیف ماویلی

شـــەوی یەڵـــدایـە؛ (لاڤــا)م لامـەکــە … بۆتان لەتیف ماویلی

Be First!
by December 30, 2016 General, Poems
image_print

ئەم شەو
پاییز دەستی ئەخاتە ناو دەستی زستان
ئەوە یەکەمین شەوی دیدارە وا درێژە !؟..
ئەوە یەکەم پشکوتنی گوڵی زارە وا درێژە!..
ئەوە یەکەم تێکەڵبوونە وا درێژە ؟!..
پاییز:
ئەوە لەدایک بوونی تۆو مەرگی منە!
ئا لەو شەوە
من چاوی مانگیم لێک ئەنێم!..
ئاسمان بەفیستانێکی ڕەش
دڵی بۆ خاک ئەکاتەوەو ڕۆندک ئەڕێژێ!..
ئەم شەو تاریکی لێک دەکشێت
هەموو ڕەنگێک ئەخواتەوەو
شەوی دەیجوری گەردوونە وا درێژە!..
ئەمە شەوی هەڵوەرینی تریفەی چاوی هەیڤیمە!..
ئەمە شەوی زانی تۆیە
ئەمە شەوی دامانی هەموو ڕەنگێکە!..
ئەمە شەوێکی هێدمایی زایەلەی زارو پەیڤیمە!..
وەرە ئەی گوڵ
بەچاوی ئاڵۆز ببینە
ئەڕژێ سۆزم ئەڕژێ چێژم!..
ئەمە شەوی ژانی گەردوون
ژانی هاواری وجودە کە ئەڵێ چرا ئەنێژم!..
زستان:
ئەمە شەوی گریانی تۆو بزەی منە!..
ئەمە شەوی یەکەمین تەوقەی ژوانە!..
ئەمە شەوی ئامێزی بەیەک سپاردن
ڕەنگی ڕەشی چاوی منە ئەی پاییزێ!..
لەدڵی تۆ هەڵی دێنم ئەی گەشکەی پەروانە!..
پاییز:
نابێ یار بەبێ تۆ نابێ!..
شەوی یەڵدا بێ چرا بێ!؟..
ئاشقی تۆم خودایە دڵم سارد،نابێ!..
نابێ گوڵ نابێ
بەبێ تۆ شەو شکاوی واگاهاتنە
هەر چی دەبێژم دڵم سارد، نابێ!..
شەوی یەڵدایە ئەی یار
وەک نالی دیدەم دوور لەتۆ بێ نوورە!..
دڵم مەعزول، مایل بەدیدەی تۆیە
لەغوربەتدا تێنی ومەهجورە!..
نابێ مانگ نابێ
شەو بێزارە لە دەیجوری
شەوی یەڵدایە
نابێ گوڵێ ڕژدی نابێ!..
لە (لاڤا)م لامەکە
گێنگڵە بەسە گوڵم دڵساردی نابێ!..
خودایە..
شەوە درێژ ڕاکشاوە لەبێ دەنگی!..
چەمانەوەو کڕنۆش
حاملاندنی گوڵ ودادانەوەی ڕۆشنایی!..

بۆتان لەتیف ماویلی(پایان)
شەوی ٢٠/٢١ ی ١٢ ی ٢٠١٣
ئیسکەندەریە.

……………………………………………………………

فەرهەنگۆک:
لاڤا: رجا
گێنگڵە:هاتوچۆی بێ سود.
حاملاندن:تەربیەتدان.
دادانەوە: دابارین

Previous
Next

Leave a Reply