Skip to Content

سالی چوار چارێگە مووچە  … کارزان کریم

سالی چوار چارێگە مووچە … کارزان کریم

Closed
by كانونی یه‌كه‌م 30, 2016 General

بۆسالێکی پراو پر لە کارەسات پەکوو لەو دووسالەی ساڵەی !!کەپری بوو لەبەلێنی بێکردار. دووسالی پر لە کێشە پار سال بەر لە خۆرئاوا بونی ٢٠١٥ ھیوایی خۆش بەختیمان دەخواست بۆسالی ٢٠١٦ ئەوا بەرەو کۆتایی ساڵی ٢٠١٦ دەڕۆین ماڵئاوایی لێ دەکەین..
پێش ئەوەی پیرۆزبایی ساڵی نوێتان لێ بکەم پێم باش بو پێکەوە لاپەڕەکانی ساڵنامەی ٢٠١٦ هەڵبدەینەوە کە پریەتی لە بەلێنی بێکردار. گەر تەنیا ئاوڕێک لە رووداوو هەواڵە بەلێنە بێ کردارەکانی سالی ٢٠١٦ و سەیرو سەمەرەکان بدەینەوە ! دەکرێت بە ساڵی ٢٠١٦ بڵێین ساڵی (چوار چارەکە مووچەکە)، یانیش ساڵی (یەک مووچەییەکە)، یاخودیش ساڵی (مەعاشەکەو جوانە)، یانیش ٢٠١٦ ئەو ساڵە بوو کە ٣٦٥ رۆژ باس لە ریفراندۆم و ڕاگەیاندنی دەوڵەتی کوردی و سەربەخۆیی کرا و هیچ کامیانمان نەبینی.
خۆپێشاندان و نارەزایی دەربڕین بە هەڵپەڕکی لەقەڵەم درا! هەرێم چەندین جار بەغدای سێ بەسێ تەلاق دا و تەڵاقەکەی هەر نەکەوت!! ئەو قسانەی کە زۆرترین جار گوێبیستی بووین ئەمانە بوون: نەبون بەھیچ (نە مەرجمان هەیە و نە مەرجیش لەکەس قبوڵ دەکەین، دەبێت پەرلەمان کارا بکرێتەوە، دەبێت یاسا سەروەر بێت، دەبێت مەسەلەی نەوت شەفاف بێت، دەبێت کێشە ناوخوییەکان چارەسەر بکرێن، دەبێت ماموستا مووچەی بدرێتێ! دەبێت بژێوی پێشمەرگە باش بکرێت، دەبێت ئاوڕ لە کەسوکاری سەربەرزی شەهیدان بدرێتەوە، دەبێت پاڵپشتی لە خەباتی رزگاریخوازی گشت پارچەکانی کوردستان بکەین و کەسیش هیچی بۆ هیچیان نەکرد… جگە لە لیژنەی دۆزینەوە کە لێژنەکانیش بێ ئەنجام بون.
چەندین لیژنەی سیاسی باڵاش دانران لەوانە: لیژنەی سازان. جا قوربان گەر بیرتان مابێت، لیژنەی (سازان) لیژنەی بۆ (زەمینەسازی) پێک هێنا و لیژنەی زەمینەسازی لیژنەی بۆ (ئاسایی کردنەوە) دەستنیشان کرد و لیژنەی ئاسایی کردنەوە لیژنەی (گەڕاندنەوەی متمانە)ی دروستکرد و لیژنەی گەڕاندنەوەی متمانە لیژنەی سازانی پێک هێنا، واتە پاش ساڵێک بێنە و بردە گەڕانەوە خاڵی دەستپێک و خالی سفر!.
یەک لە گرنگترینی بڕیارەکانی ٢٠١٦ موزایەدە کردن بوو بەناوی پێشمەرگە، بەرپرسێک فاکتەری سەرەکی سەربەخۆ بوونی هەرێمی گەڕاندەوە بۆ بوونی خەیارو تەماتەی خۆماڵی! رێکخراوێکی خێرخوازی زیاتر لە نیو ملیۆن دۆلاری بۆ ئاهەنگێک سەرف کرد تاوەکو چەند هەزارو دووسەد دۆلارێک بۆ لیقەوماوان کۆ بکاتەوە. پێشمەرگەو مالی شەھیدیش نانی نەبوو بیخوات.
لە سالی ٢٠١٦ هەوڵدان بۆ پاراستنی دەستکەوت و سەروەرییەکانی گەل خڕایە خانەی کۆدەتاوە. بەرازێکی داماو بە تۆمەتی تیرۆر کردنی پەیامنێرێک گوولە باران کرا!. دەستگیر نەکردنی تاوانبارانی کەیسی فوول لایتەکە و پارێزەرەکە و د. وشیارو وەدات حسین و هتد. گەرێندرایەوە بۆ خەلەلی تەکنیکی کامێراکانی چاودێری !.
بۆ یەکەمین جار لە مێژوی کورددا بێرێزی بە ناوو و ناووبانگی پێشمەرگەوە کرا بە سەرو برۆ تاشینی پێشمەرگەیک و بە بەکارهێنانی پێشمەرگە لە گرێبەستی نهێنیدا و..!
گەورەترین ئاواتی حوشترەکانی سعودیە هاتە دی و بچوکترین ئاواتی گەلەکەمان نەهاتە دی ( ئاواتی حوشترەکان بینینی بەفر بوو) لە نەگبەتیەکانی کۆتاسالی ٢٠١٦ مریشکێکی هۆڵەندی لە پێشبڕکێی شاجوانی مریشکی خۆماڵیدا پلەی یەکەمی بەدەست هێنا. میللەتیش لەبێ کارەبایی و بێ موچەیی لەژێر لێفەو بەتانی ناوێرن سەر دەربێنن. .. لە کۆتا کاتژمێرەکانی سالی ٢٠١٦ دەرکەوتنی بەڵگە نامەکانی ویکیلیکس خۆمان و خاکەکەمان و کێڵگە نەوتیەکانمان لە بازارێکی پڕ لە شەرمەزاریدا ھەراج کراوین.. کەس موشتەری نەبوو. لە ٢٠١٦ دا زۆرترین بێرێزی و نادادپەروەری بەرامبەر بەگەلی کورد کرا و کەمترین هەڵوێست بینرالە ھەموو ئەو ولاتانەی خەمی دۆزی کوردیان بوو.

mm

دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.

Previous
Next
Kurdish