Skip to Content

108 Views

منی منداڵ … عەلی حەمەڕەشید بەرزنجی

منی منداڵ … عەلی حەمەڕەشید بەرزنجی

Closed



دایە گــیان منی مــــــنداڵ
بابە گیان منی مـــــــنداڵ
مافی خۆمە سەربەســت بم
ئاســـــــوودە بژیم لە ماڵ

کاری قورســـم پێ مەکەن
لە خوێندنیش دوام مەخەن
بۆ مەبەستێکی خـــــۆتان
منداڵیم لێ تێک مـــەدەن

چـــــــونکە دنیای منداڵی
خۆشـــــترین کاتە لە ژین
با بە ئارەزووی خــــۆمان
ئەو خۆشی یە بچــــێژین

کاتێک پرسیارێک دەکەم
بۆئەوەیە تێ بگــــــــەم
بە ڕووما ھەڵمەشـــاخێن
وەڵامــەکـــــەم پێ بڵَێن

ئەگەر ڕۆژێک لــە ڕۆژان
داوای شتم کــــرد لێتان
تواناتان نەبوو بیکـەن
قەت بەڵێنم پێ مەدەن

٢٠٠٠/٧/١٨

Previous
Next