Skip to Content

81 Views

(مەبنی للیمەجهول ) … شیعری: نەوزاد بەندی

(مەبنی للیمەجهول ) … شیعری: نەوزاد بەندی

Closed
by June 27, 2020 General, Poems

هێشتاکە هەر نەناسراون ،
ئەو دەستانەی
گیرفانەکانی نیشتمان
تاڵان ئەکەن ..
ئەو فڕۆکانەی
پارچە پارچەی
نیشتمان بۆردومان ئەکەن ..
نەناسراون ،
ئەو شقارتانەی
مەزراکانی نیشتمان
ئەکەن بە سوتماک ..
نەناسراون ،
ئەو سیخۆڕ و
ناپیاوانەی
هەڕاجی ئەکەن
خەڵک و خاک ..

نەناسراون ،
هەر بەو جۆرەیش ئەمێننەوە ..
ئاشکرا نابن
تەنانەت لای ئەوانەیش
داهاتوو ودەست ئەخوێننەوە ..

ئەزانن بۆ ؟
لەبەر ئەوەی
هەتا ئەوان نەناسراو بن ،
ئیشی ناسراوەکانمان،
باش ئەڕوا ..
هەروەک ئەو شوانە
خوێڕیەی
واز لە شوانی ناهێنێت و
ڕۆژیش نیە مام گورگ
مەڕ و بزنی نەخوا ..

Previous
Next