کێ فریاد ڕەسی خەڵکی کوردستانە، لەم باروودۆخەدا؟ … نووسینی :هەورامان خالید
قسەیەکی کوردی هەیە دەڵێت: “جام، کە پڕبوو، لێی دەڕژێت”، بەڵام دەسەڵاتی کوردی بەلووعەی بۆ داناو ناهێڵێت هەرگیز لێی بڕژێت.
لەدوای 30ساڵ حکومڕانی و ململانێ و سیاسەتی قوتدانی داهاتی کوردستان لەلایەن چەند خێزان و بنەماڵەیەکەوە بەدەر لە بەرزبوونەوەی چەند تاوەرێک و شەقامێک، کە بۆ خاتری ڕێگای ماڵەکانی خۆیان نەبێت، نابینی دەسەڵاتی کوردی کارێکی کردبێت، میللەتی فێری برسێتی و ڕەش و ڕووتی و جنێودان و نەفرەت کردن لەنیشتمان و خاک و ئالاکرد، ئەقڵی هەر تاکو کۆمەڵگایەک مەحدودە خەڵکی ئەوەی پێ قبوڵناکرێت، کەوا ژیان کردن لەنیشتمانەکەی دووئاستی بەرز و بڵند و نزم و نوسا و بەعەرزدابێت، هەرچی ڕق و کینە هەبوو، هەرچی سۆزی نیشتمان و خاک هەبوو، هەرچی خۆ جیاکردنەوە لەولاتێکی فاشل، کەعێراقە هەبوو نەیانهێشت، دوای چەندین ساڵ چەوسانەوە ئێستا خەڵکی خۆزگا ئەخوازێ لەژێر ئاڵایەک دا ژیان بکات پیدەڵێن ئاڵای عێراق، کە کەسوکاری هەر تاکێکمان لەژێری دا تەعزیب و ئەشکەنجە دراوە، کارێکتان کرد منداڵی خوار18ساڵ، کەوا بڕبڕەی پشتی هەموو دەولەتەتێکە، ئامادەبێت نیشتیمان جێ بهێڵێت و ڕووبکاتە غەریبی یاخود ببێت بەخۆراکی ماسیەکانی دەریای ئیجە حکومەت بێت و بەم شێوازە بەرەوام بیت ئەوا تەنها ئەتوانن لەنێو جانتاکانی دەستیاندا حکومڕانی بکەن، بۆیە دەبێت یان گوزەرانی خەڵکی باش بکەن یاخود بەزەبری زلهێزانی چواردەور لابردێن لەدەسەڵات، جا پێشەوەی کاربگاتە ئەوە حکومەت و لایەنە سیاسیەکان ئەبێت ئەوهەلە بقۆزنەوە نەهێڵن بەسود بینن لەدوژمنانی چواردەور لەدەسەڵات بشکێنەوە.
نووسینی :هەورامان خالید
Dengekan
دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.
