Skip to Content

“سەفەر” ی “پور” م … شیعر: جەلال عەبدوڵا ساڵح

“سەفەر” ی “پور” م … شیعر: جەلال عەبدوڵا ساڵح

Closed
by July 9, 2020 General, Poems


بە “سێبەر”ی
“درەخت”ەکاندا دەیزانی
تەمەنی دارستان
چەند سەدەیە؟
بۆ هاوینی خۆشدەوێت
میووە؟
کاتێک باڵندە دەیخوێند
بۆ “ئاو”ی دەکردە
“ئینجانە”ی بەرهیوان؟

“پور”م

لە” پایز”دا
گوناهی “مڵە”ی
باس دەکرد
بۆ دارهەرمێ
بەڕیحانە” ی” دەووت:”
نەتۆرێ لە ژن
تکای دەکرد لە لافاو
دەپاڕایەوە لە ئاو
ئاگایان لە گەرای ماسی بێت

“پور” م

بۆ ئەوەی پێکەنێت
باخ
حەوزی پڕکرد
لە “ڕەنگ”ی مانگ
پور”م”
هەموو”عەسر”ێک
باسی سبەینێی
دەکرد بۆ دایکم
جارێک
گوێم لێی بوو
پێێ ووت:
ئەوەندە
جگەرە مەنێرە
بۆ “ماڵ”ی گیرفان
دۆستی ژەهرە

تووتن

ڕەنگی “کراس”ەکەی بەری
هەناسەی هەور بوو
ڕەفتەی سەری
گەڵای ماڵی باخ بوو
“ڕۆح”ی
ڕەنگ”ی زەردەپەڕی”
کەنار چەم بوو

“پور”م

چوار “چەم”ی عاشقی هەبوو
“گوند”ەکەی
“پور”م
“مناڵ”ەکانی
هەمیشە شەڕیان بوو
کاتێک باران دەباری
دەپارایەوە لە سرووشت
هەر”چوار”یان
بکا بە یەک دەریا
لە تاو “خەفەت”ی ئاو
مرد “پورم”
“مناڵ”ەکانی
“چەم” یان دابەش
ماسیەکانیش
هەموو مردن

“دڵۆپ” ێک باران بوو
گەڕایەوە
بۆ لای دەریا
پورم
نە “دڵ”ی دەکرایەوە
بە ڕەنگی
کڵاوی سەری
براکانی
نە بە فێڵی زەردەخەنەی
کوڕەکانی
پورم
تۆزێک ڕەنگ بوو
لەسەر سنگی گەڵا
هەتاکوو مرد
ڕووی لە “میحراب” ی باخ بوو
کاتێک بەجێی هێشتم
لە “دڵ”مدا
ناشتم
تۆزی “تەرم”ەکەی
“پور”م

Previous
Next