Skip to Content

نەسیحەت … نەوزاد بەندی

نەسیحەت … نەوزاد بەندی

Closed
by July 13, 2020 General, Poems

بۆ لەمەو دوا ،
لەبەردەم ژووری مدیرا
لەبەردەم ژووری وەزیرا ..
خۆتان بەڕیز ڕامەوەستن ..
پێڵاوەکانتان ڕیز بکەن ..
چونکە وەک دەرگای
دادگاکەی
فرانز کافکا ،
ناکرێتەوە ..
کۆبوونەوەی جەنابیان
لەگەڵ غەریزە و
خواستەکانیان ،
نابڕێتەوە ..
دانیشن ..
قاچتان ڕاکێشن ،
ئەگەر ڕێکەوت
بوومەلەرزەیەک
هات لە دوور ،
دەرگای جەنابی کردەوە
با پێڵاوەکان ،
بچنە ژوور ..!

12 تەمموز 2018

Previous
Next