Skip to Content

هەندێ کۆپلە شیعر … نەوزاد بەندی

هەندێ کۆپلە شیعر … نەوزاد بەندی

Closed
by ته‌مموز 21, 2020 General, Poems

(لێرە )


لێرە
فیشەک و ڕومانە ،
دڵیان ئەچێتە یەکتری و
بە یەکا ئەتەقێنەوە ..
لێرە
نەخۆشی و برسێتی ،
دڵیان ئەچێتە یەکتری و
بە یەکا ئەڕشێنەوە ..
لێرە
خەفەت و ئەشکەنجە ،
ئەکەونە داوی یەکتری و
بۆ یەکتری ئەکولێنەوە …

21تەمموز2017

// شتێ وەک شیعر //

بڕیارم داوە ،
تەنها بۆ شیعر
دەرگا واڵا کەم ..

تەنها لەلای ئەو
جار جار دانیشم
ئیتر پێبکەنم
یان سکاڵا کەم ..

ئاخر هەر شیعر
وەکو خۆی ماوە ..
هەموویان گۆڕان
فرۆشران ..
دۆڕان ..
تەنانەت
خاک و ئاو و ئاڵاکەم …

——- نەوزاد بەندی ——

Previous
Next
Kurdish