Skip to Content

84 Views

تۆی پەیکەرێک لە تەنیایی … شیعری: کاوە عوسمان عومەر

تۆی پەیکەرێک لە تەنیایی … شیعری: کاوە عوسمان عومەر

Closed
by July 25, 2020 General, Poems


دەزانم هەموو دارستانێک..
ئاوێزان بە هاتنی ڕێژنە بەهارێ،،
وەزێک لە زەردبوونی…
شکۆفەی خونچە پشکوتوەکانی هەیە،،،
هەر دەریاچەک…
نوقم لە تەمی جوانیا،،
مەرگەساتی ووشکبونێکی..
لەناکاوی هەیە،،،
هەر فڕینی مەلێکی ووێڵ،،
لە ئامێزی ئاسمانێکی پان و بەرین،،،
نیشتنەوەیەکی غەمگینی هەیە،،،
گڕپژانی دڵی هەر خۆرێک…
شەوێکی ئەفسووناوی تاریکی هەیە،،،
چرپەی بایەکی…
هەناسە ساردی پایزێکیش،،،
بێدەنگی ووشە نەوتراوەکانی…
کۆچەرێکی بێنیشتیمانی هەیە،،،
هەر دڵۆپە بارانێک لە هەورێ،،
تنۆکێ لمی تینووی بیابانی..
بۆ نمەیەک هەیە،،
هەر چاوەڕوانیەک…
بۆ پەپوولەی فڕیوی ڕوخسارێک،،
پەلەی دیدەنی…
ترووسکەی چاوێکی مەستی هەیە،،،
هەر حەزێک بۆکۆچێکی دوور،،
شوشەیەک لە ژەهری تەنیایی هەیە،،
هەرچیرۆکی کورتی ژوانێ ،،،
دابڕانێکی بەسۆی هەیە،،،
بەڵام لەم هەموو دژە یەکسانە،،
لەم دژە دوانەیەی گەردوونا،،،
تەنها تۆی پەیکەرێ لە تەنیایی ،،،
نە هاوڕۆحێکی ..
ڕێگای دووری گزنگێکت هەیە،،
نە ویستێکیشت..
بۆ کڵپەی هەتاوی ناوچاوەکانم،،
بۆ توانەوەی شەختە سەهۆڵی..
ناو دڵت هەیە.

Previous
Next