Skip to Content

نه‌خشه‌ی ئه‌وین … ستار ئه‌حمه‌د

نه‌خشه‌ی ئه‌وین … ستار ئه‌حمه‌د

Closed
by ئاب 18, 2020 General, Poems

تارمایی چڵێك وه‌ك زوڵفی تارت
روومه‌تم ده‌كا به‌نه‌خشه‌ی ئه‌وین
پرشنگی نیگات ده‌دره‌وشێته‌وه‌
ده‌بێته‌ سه‌دا ی بزه‌و پێكه‌نین
…………………………………………………..
پرچی ره‌شمارت هه‌ورێك سیایه‌
ئاسمانی دڵم داده‌گرێت به‌قین
تووڕه‌یی ناخت له‌گوڵ داده‌بڕێ‌
له‌بیرت ده‌چێت بۆ یه‌كتر ده‌ژین
……………………………………………
له‌ره‌ی مه‌مكانت چوون گوڵی به‌هار
به‌ده‌م شه‌ماڵی تاسه‌وه‌ ده‌گرین
هه‌ناوت جۆشی به‌كوڵ هه‌ڵده‌ستێ‌
حه‌زت وه‌هایه‌ بۆ یه‌كتر بمرین
…………………………………………….
ده‌ڵێی زریانی ناوه‌ختی شه‌وی
هه‌ڵده‌كه‌ی به‌سه‌ر برینی جه‌رگما
عه‌شقت هێلانه‌ی مه‌لێك ته‌ریوه‌
گڕ ده‌گرێت له‌نێو په‌رستگای سه‌رما
…………………………………………………….
چه‌نده‌ به‌نازی و ئاوازی تاسه‌ت
خۆزگه‌ی ژیانمان ده‌گوێزێته‌وه‌
دوێنێ‌ له‌خۆڕا پشتت تێكردم
ئه‌مڕۆش خه‌ریكه‌ سوێم بۆت بێته‌وه‌
…………………………………………………..
چییه‌ گۆڕانی حه‌زو ئاره‌زووت
له‌هه‌ست و دید ت سه‌رم سوڕماوه‌
ساتێك بارانی وه‌رزێكی ئاڵی
ده‌مێك وه‌ك گڕكان گڕت هه‌ڵساوه‌

ستار ئه‌حمه‌د

mm

دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.

Previous
Next
Kurdish