Skip to Content

دەستی کرۆنا … مەولود ئیبراهیم حەسەن

دەستی کرۆنا … مەولود ئیبراهیم حەسەن

Closed
by September 3, 2020 Uncategorized @ku



دەستی گەرمی
دڵڕەق و بێ شەرمی ..کرۆنا
هه ر ڕۆژێ وێنەی
خزمێکم لە ئەلبوومی ژیان
ڕەش دەکاتەوە
هه ر ڕۆژێ
ژمارەی موبایلی دۆستێکم
بێ دەنگ دەکات
هه ر ڕۆژەی ماسینجەری
ناسیاوێک پۆستم بۆ نانێرێ
هه ر ڕۆژەی ئیمەیلێک
چیتر وەڵامم ناداتەوە
هه ر ڕۆژەی فەیسبوکێک
ئیتر کۆمێنتم بۆ نانووسێ
دەستی گەرمی
دڵڕەق و بێ شەرمی ..کرۆنا
هه موو بەیانێیەک
چەند جار ناچارم دەکات
بنووسم بەداخەوە
دەستی گەرمی
دڵڕەق و بێ شەرمی
کرۆنا..
مەرگ ..وڵات بە وڵات دەگێڕی
شار بە شار
گەڕەک بە گەڕەک
کۆڵان بە کۆڵان
ماڵ بەماڵ
مەرگ دەگێڕی
زۆر جار کوژراوم و
نەمردووم
زۆر جار مردووم و
هه ر ماوم
زۆر جار مەرگ دەورەی داوم
بێزار نەبووم
نەترساوم
کەچی مەرگی کرۆناوی
بۆنی لە لوتم نابڕێ
دەنگی لە گوێم ناپچڕێ
ڕەنگی لە بەر چاوم ناسڕێ
میدیاکان هه موو
میدیای گەڕەک
میدیای شار
میدیای وڵات
میدیای جیهان هه موویان
کڕۆنا بڵاو دەکەنەوە
میدیای نووسراو
میدیای دەنگی
میدیای ڕەنگی هه موویان
باسی چالاکیەکانی کرۆنا دەکەن
ڕۆژنامە نووسەکان
وێنەی پژمین دەگرن
وێنەی هه ناسەو ئۆکسجین دەگرن
وێنەی قەبرو تەلقین دەگرن
سەرۆکەکان
سەۆکایەتی بە کرۆنادەکەن
سیاسیەکان
سیاسەت بە کرۆنا دەکەن
زاناکان
تاقیکردنەوە بە کرۆنا دەکەن
دیندارەکان
دینداری بە کڕۆنا دەکەن
هه ژارەکان
هه ژاری بە کرۆنا دەکەن
بێکارەکان
بێکاری بە کڕۆنا دەکەن
کڕۆناش مەرگ بە ژیانەوە دەکات
ژیانیش ژیان بە کرۆناوە دەکات

١/٩/٢٠٢٠

– هه ولێر

Previous
Next