سۆناتای مەرگێکی قەشەنگ … کاوە عوسمان عومەر

لە جەنگی هەور و زەمین، دڵۆپەکان،،
بە چنگە کڕێ ویستیان بە دیواری،،
بادا سەرکەون و نەکەونە خوار،،،
کەشتی باران ئەمشەو،،
نیازیەتی هەموو بێستان و…
کەژو کێوکۆکاتەوە ..
بیباتە سندووقی ئەفسوناوی تەم
…………………….
پیاسەیەک لەگەڵ مانگ،،
وەرچەرخانێک، وێنەی…
ڕێبوارێک بە پلیکانەی ئەستێرەکانا …
ڕێی گرتوەتە شارێک بێ ناو،،
کەموڵەیەکی ڕژاو لە گریان،،
با نەتهێشتایە…
وونبم ، لە تەلیسمی نیوەشەوێکی…
نیمچە زەردەپەڕ و سەراب
……………..
کانیەکی ڕەش،،،
قەترانی، لە دڵی هەموو تەنیایەکە،،
پایزیش ئەمساڵ تۆزێ درەنگ،،
بە باخە چۆڵە ووشکبوەکانا ،،
وەک کۆچەرێ تێپەڕی،،
بەڵام ماندوو،،
پاڵتۆکەی شڕ و دڕاو،،
جەستەی پڕ زام و…
دڵی پڕ لە ئازار،،
قژیشی تۆز و خۆڵ،،
هەڵبزرکاو ،،
گەڵا وەریوەکانیش،،
وەک ساڵانی پێش ئافات،،
ڕەنگە پەمەیی و…
ئاڵتوونیشی نەما،،
ئاخر ئەوەتا مەرگ،،
لە هەموو شوێنێک پێئەکەنێ،،
چەتەکانی شاریش لە بۆسەدان،،
بەزەیی ڕێگایەک،،
بە فرمێسکی بەهارێکی سەرگەردان،،
با ئەستێرەش بوەستێ…
لە شیرینی خۆسووتان،،
پاشان چی ماوە،،
لە باخی لم ، ،
،، لە فەناپڕ
.تا ڕادەی فەنابوون …
خۆڵی ساڵە بەسەر چوەکان،،
مرۆڤەکان ئەکەنەوە..
بە تونێلی بادا
………………
لە نیگاکردنە بێهودەکەی تۆ،،
من هەر وەک خۆمم،،
بەقامیشەڵانی کاتا،،
بە بێدەنگی تێئەپەڕم،،
شمشاڵێ لە وووشە سیحریەکان دائەتاشم،،
حۆریەکانی کازیوە ،،
ڕێیان لێ وونکردم،،
ئەگینا ماچێک بەسەر شەونمی…
نیوە شەوەوە جێ ما،،
نیشانەی دەرچوونی ڕێگەمە،،
لەوانەشە لە یادی نەمانی بارانت،،
نیشانەی مەرگێکی قەشەنگی منە
……………..
هیوایەک بێیتەوە ئەمساڵ،،
بە بێ هۆکار، هەرچۆن بێ هۆکار..
بویتە گەڕیدەی سەرکەنار،،،،
بە ڵام تۆڕی جاڵجالۆکەیە، پلانی ڕۆژ…
پەڕەی کتێبی ساڵەکان دڕان،،
بە بێستانی سپی تەمەنێ،،
پەرش و بڵاو،،
هەمان کورسی ئێسکی کاتە..
لەدەست چوەکان،،
هەمان سوێسکەی تەزیوو تەرەی ڕۆح،،
هەمان سۆناتای مەرگێکی قەشەنگ،،
ئەنوسێ داستانی فەنابوونمان
……………..
چی گڕکانێ..
لە جەستەی ڕژاوی باران دێ،،
لەم وەرزە ژەهرە،،
چی شەکەتیەکە،،
باڵێ سوتاوی تەرزە،،
چەمێک ووشکبووی ووشە،،
لە نزیک کاتژمێرە وەریوەکان،
پەنجەرەیەک بوە چارۆکە،،
خۆر وەک زەریا،،،
ئاوی نەمر لە چاوانیا،،
مردوەکان بە ئێمەدا تێپەڕنەوە،،
داری شەویش،،
ئەستێرەکانی داگیرسانەوە،،
وەک دارسنەوبەری ساری ساڵ،،
لە سندوقێکی تەختە،،
وەک تابووتی پەپولە ئاویەکان،،
بۆ ساڵێکی نەهاتی تر هەڵگیرا،،
بەڵام هەموو ساڵێک،،
هەمان تیشکی ئارەزووی بەردەوام بوون،،
لە تونێلی ڕۆحا ئەکوژێتەوە،،
سوپاکانی سوڵتانی ئیبلیس و
فڕۆکەکانی ئیبلیسی سوڵتان ،،
جبەو تانکەکانیان،،
ناردە دارستانەکان،،
تا وەکو هییچ کوکوختیەکی بەهەشت،،
بێ سەربڕین دەربازی نەبێ،،
ڕۆژنامەکان، تیڤیەکان، لە لێوی..
ماسک ڕەشەکانەوە،،
ڕاستی و ناڕاستی تابلۆی ..
لێشاوی هەڵهاتوەکانی جەنگیان شێواند،،
کۆچی نەورەسەکانیش،،
وەک ڕەشە تۆفانە،،
خەمی مردوەکان،،
بۆ زیندوە مردوەکان،،
خەمی زیندوەکان..
بۆ مردوە زیندوەکان
……………..
پەمەییش بوون ئەو فرمێسکانەت،،
خەرمانی شینی خەمەکانمی شتەوە،،
شەپۆلیش ئەدەن،،
فرمێسکەکان، وەک ڕوباری خەو،،
تا ئەوسەری شەقام،،
هەر وەک ئەوسا،،
ڕێگرن نیگاکان،،
کوژەرن خەنجەری لێوە تەڕەکان،،
قەراغ زەریام بۆت،،
هەر کاتێک کەشتیت وون،،
قەراغ زەریام بە،،
هەر کاتێک کەشتی یادەوەریم وون،،
لە گیانەڵەی سیمرخی ئێستای عیشقیشدا،،
سۆناتای مەرگێکی قەشەنگم بۆت،،
سۆناتای مەرگێکی قەشەنگ بە بۆم

Dengekan

دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.