Skip to Content

ئەردۆغان تاوانبار دەکرێت بە کوشتنی ئەفسەرێکی باڵای تورکیا !… ڕاستی ڕەسوڵ

ئەردۆغان تاوانبار دەکرێت بە کوشتنی ئەفسەرێکی باڵای تورکیا !… ڕاستی ڕەسوڵ

Closed
by September 11, 2020 General

ئەفسەرێکی خانەنشینکراوی تورک بەشێوەیەکی گوماناوی دەنێرێتە لیبیا، هەر لەوێش دەکوژرێت، بەڵام حکومەتی تورکیا و دەزگای هەواڵگریەکەی – میت – نایانەوێت کوژرانەکەی ئاشکرا بکەن، کەچی کۆمەڵێک ڕۆژنامەنوسی بوێری تورکیا ئەمە ئاشکرا دەکەن، و وێنە و ناسنامەی ئەم ئەفسەرە لە تۆڕە کۆمەڵایەتیەکان بڵاو دەکەنەوە، حکومەت و ئەردۆغانیش بە ئەنقەست بەکوشتدانی ئەم ئەفسەرە تاوانبار دەکەن، چونکە ئەم ئەفسەرە باڵایەی تورکیا ئاگاداری سەرلەبەری پەیوەندی نێوان ئەردۆغان و گروپە تیڕۆریستیەکانی وەکو داعش و گروپە جیهادیەکان بووە، زۆر دژایەی ئەم کارەی کردووە، و بەکارێکی هەڵەی زانیوە، ئیتر بۆیە دەزگای هەواڵگری و ئەردۆغان ناردوویانەتە لیبیا، و لەوێ کوژراوە، تاکو ڕۆژێک لە ڕۆژان ئەم پەیوەندیە ئاشکرا نەکات . ئەمە لە کاتێکدایە کە ڕاگەیاندکار و ڕۆژنامەوانان لە تورکیا ڕووبەڕووی گرتن و ئەشکەنجەدان دەبنەوە، ئازادی ڕادەربڕین و ڕۆژنامەگەری لەم ووڵاتەدا کەوتۆتە ژێر فشارێکی زۆرەوە، تازەترین سزا کە ڕووبەڕووی کۆمەڵێک لە ڕۆژنامەنوسان بۆتەوە، دزەپێکردنی کوشتنی ئەو ئەفسەرە خانەنشینکراوە باڵایەی تورکیایە لە لیبیا، کە دەزگای هەواڵگری تورکی – میت – نەیدەویست کوژرانی ئەم ئەفسەر ڕابگەیەنێت و دەیشاردەدوە، هەر لەبەر ئەمە هەواڵگری تورکی پێی وایە ئەم بەڵگانەی ئەو ڕۆژنامەنوسانە بڵاویان کردۆتەوە مەترسی دروست دەکەن لەسەر ئاسایشی نەتەوەیی تورکی. داواکاری گشتی تورکیا داوا دەکات سزای ٨ ساڵ بۆ ١٩ ساڵ بەسەر ٧ ڕۆژنامەنوس و کارمەندێکی شارەوانی – مانیسا – کە تاوانبار کراون بەم دزەپێکردنی زانیاریە، بسەپێنرێت. ڕۆژنامەنوسەکان بریتین لە :- هۆلیا کلینیت، باریش بەهلیڤان، مورات ئەگیرەڵ، باریش تێرک ئۆغلۆ، ئایدن کەیسیر، فەرحات جیلیک، ئێرک ئەکاریر، هەروەها کارمەندی شارەوانی ئیرین ئەکنجی. شایانی باسە سوپای تورکیا و حکومەتەکەی کوژرانی عەمیدی خانەنشینکراوی تورکی – ئۆکان ئەڵتینای – کە خەڵکی هەرێمی ڕۆژئاوای تورکیا – مانیسا – یە دەشاردەوە، و ئم ئەفسەرە خانەنشیکراوە کەمتر لە ساڵێکە بەشێوەیەکی کتوپڕ بانگ کراوەتەوە بۆ خزمەتی سەربازی، و نێردراوە بۆ هاوکاری حکومەتی – سەڕاج – لە لیبیا، بەگوێرەی سایتی – نۆردیک مۆنیتەر – ی سویدی تورکیا بۆیە ئەم ئەفسەرە باڵایەی بانهێشت کردۆتەوە تاکو لە پڕۆسەیەکی پیلان بۆ داڕێژراو لەناو ببرێت، چونکە ئەم ئەفسەرە ئاگاداری هەموو نهێنیەکانی حکومەتی تورکیا بووە لەگەڵ گروپە جیهادی و تیرۆریستیەکان بە تایبەتی داعش، بەگوێرەی ئەو سایتە ئەم ئەفسەرە ناکۆکیەکی زۆری لەگەڵ دەزگای هەواڵگری تورکی هەبووە لە دژی گروپە تیرۆریستیەکان. ئەم ئەفسەرە لەناو کەشتی گواستنەوەی چەکی تورکی بۆ لیبیا لەگەڵ دوو سەرباز تر کوژراوە، لە بەندەری – تەڕابلوس – ی لیبی، بە هۆی پێکدادانی نێوان هێزەکانی خەلیفە – حەفتەر – لەگەڵ سوپای – سەڕاج – کە تورکیا پشتیوانی دەکات. ئەوەی گومانی کوشتنەکەی زیاتر کردووە ئەوەیە ئەم ئەفسەرە باڵایەی دەزگای هەواڵگری تورکی خانەنشین کراوە، و دواتر بانگ کراوەتەوە، هەروەها گومانەکەی تر ئەوەیە کە بۆچی لەسەر هەواڵی کوشتنی ئەم ئەفسەرە بۆ ئەو هەموو ڕۆژنامەنوسانە دادگایی دەکرێن ؟؟؟

Previous
Next