Skip to Content

مانیفێستی عەشق… بەشی چواردە…تێکستی: ستیڤان شەمزینی

مانیفێستی عەشق… بەشی چواردە…تێکستی: ستیڤان شەمزینی

Closed
by September 17, 2020 General, Poems

شنەبایەک بووم چۆکم بۆ زریانی ئەوینت دادا
شاخێکی بەفرین بووم بە هێزی ئەشقت هەرەسم هێنا!


هەموو شەوێک خۆم و خەیاڵەکانم بێدارین
چون رۆژ بەشی تەفسیری جوانییەکانت ناکا


خەندەیەکت بەسە بۆ من تا مردن پێی دڵخۆش بم
ماچێکت وا ئەکا تاکو رۆژی پەسڵان سەرخۆش بم


ملوانکەیەکی درێژم لە دەزوولەی ماچ بۆ چنیوی
شیعرێکی تازەشم بە پەڕەمووچی دڵ بۆ نوسیووی


ئەوینەکەمان لەم سەرزەمینە فراوانە جێی نابێتەوە
دەستم بدەرێ، بڕۆین ئەستێرەیەکی تر ئاوەدان بکەینەوە


ئەتوانی چەندێک حەز بکەی دووربکەویتەوە لە جەستەم
کەچی دەستەپاچەی لە دوورخستنەوەی هەناسەی شیعرم


لەوانەیە رۆژێ بێت هیچ رێگەیەک نەمهێنێتەوە بۆ لات
ئەوساش شیعرەکانم تەواف ئەکەن لە دەوری باڵات


لە شیعرێکا ئەتنووسمەوە و هەر خۆشم ئەتخوێتنەوە
لە قاوەی تاڵی ژیانما وەک پارچە قەندێک ئەتتوێنمەوە


مەمکت دوو تابلۆی جوانن
بە دیواری سنگتەوە هەڵواسراون


مەمکەکانت دوو کانیاوی روونن
هەم ئاوی ژیان و هەم ئاوی چێژی لێ هەڵدەقوڵێ


مەمکەکانت دوو فریشتەی خوایین
ژیان دەکەنەوە بە بەر جەستەی مردووما


مەمکت شەکرەسێوی منە
ئاشتم دەکاتەوە لەگەڵ لەززەت


مەمکت ئاوازێکی دەگمەنە
بەدەست و پەنجەی من دەژەنرێت


نیگاکانم تەفسیر بکە، ماچەکانم بخوێنەرەوە
ئەوەی بەزمان نەموتووە، لە بێدەنگیمدا بیدۆزەرەوە


پێم بڵی چ جادوویەکت لێکردووم، خۆم داوەتە دەست دڵم؟!
دڵیشم کەشتییەکە تەنها بەرەو کەناری تۆ دێ

Previous
Next