Skip to Content

ئێوارەیەكی شین … دڵی_ڕۆژھەڵات

ئێوارەیەكی شین … دڵی_ڕۆژھەڵات

Closed
by تشرینی یه‌كه‌م 21, 2020 General, Poems

ئێوارەیەكی شەممە
من و تۆ
دەچینەوە ناو داڵانێك لە خەیاڵ و
ناو وەھمێك لە یادەوەریمان
ئێوارەیەكی شەممە
سپی سپی دەچینەوە ناو ناو سلێمانیی و
ئەزمەڕ دەبێتە پارچەیەك سەوزایی
ئەوە من و منین
دەبینەوە بەشێك لە نایادەوەری و
تۆش دەبیتەوە جوزئێك لە یاد
یادكردن
لە فەرھەنگی شیندا
لە نەخشەی سووردا
لە خەیاڵی سەوزدا
سپی دەچێتەوە ناو شوێن و
شوێن دەبێتە ڕوئیای زەمەنمان.
سپیبوون كوشتنی سڵاوكردنە لە سەر شەقامەكانی تەمەن و
لە یادچوونەوەی ھەموو شتێكە و
ونكردنی ڕاكردنە
شیعر
گەڕانەوەیە بۆ سەرەتای ھەموو خەیاڵكردنێك و
لە بەینبردنی زەمەن.

سلێمانیی
دڵی_ڕۆژھەڵات

mm

دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.

Previous
Next
Kurdish