دوو خولەک پێش ئەمڕۆ .. نەوزاد بەندی
خۆزگە بارانێ لێــــــــــی بداینایە
پێشتر هیچ کەسـی تەڕ نەکردبێ
ئینجا وێـستگەیەک داڵدەمان بدا
هیچ کەســــێ پەنای بۆ نەبردبێ
لەسەر شەقامێ هەنگاو هەڵبێنین ،
پێشتر هەنگاوی تێــــــدا نەنرا بێ
قاوەخانەیەک فەرموومان لێ بکا ،
بە عومری قاوەی تیدا نەخورا بێ
لەسەر کورسیــــەک تاوێ دانیشین ،
هیچ کەســی لەسەر دانەنیشــتبێ
فرمێسکێکی وا چاومان تەڕ بـــــکا
فرمێسکێ پێشتر کەس نەیڕشتبێ
لە دیار خەمێکی ناوەخت هەڵکوڕمێین ،
نەزانین چی بڵێـــــین بۆ دڵنــــــــەوایی
لە کۆڵانێکی ســــــــــاردی دوور ووڵات ،
شەو بمانـــــخاتە دەریای بۆشــــــــایی
کەنارێ لانکەی ماتــــــــی و بێدەنگیی
چوارچێوەیەکی بمانگرێتــــــــە خۆی
کەشتیەک بێت و وەکو دوو نەورەس ،
سەرکەوین ، نەڵێ ها بۆ کــوێ ئەڕۆی
من ئازادییەک ئازارم ئـــــــــــــــەدا
نیو سەدە ئەبێ لە خەیاڵـــــــــمایە
تا نزیک بمەوە لێی ، دوورترئەبــێ ،
ناگیـــــرێ و کەچــی وا لە پاڵمایــە
—- نەوزاد بەندی ————————-
١/١٢/٢٠٢٠