Skip to Content

خۆشەویستی و ژیان .. عەلی ساڵح ئاریانی

خۆشەویستی و ژیان .. عەلی ساڵح ئاریانی

Closed
by December 3, 2020 General
                                   

خۆشەویستی ، هەندێ جار لەگەڵ ڕۆح یەکدەگرێتەوە و باوەش بەیەکدا دەکەن..
هەندێک جاریش لێک دووردەکەونەوە و لە یەکتر ڕادەکەن
هەندێ جار ، ژیان و هەناسە دەبەخشێت بە دڵ
هەندێ جاریش ، دەبێتە شێرپەنجە بۆ ژیان و دڵ
خۆشەویستی ، هەروەکو تاقگە دەڕژێتە خوارەوەی ناخ و دەروون
یان دەبێتە بوڕکان و گەردەلوول بۆ ئەندێشە و دەروون
خۆشەویستی هەندێ جار لەناو زەردی پایزی خەزان
دەبێتە گوڵێکی بۆن خۆش و ڕەنگ جوان
هەندێ جاریش ، لەناو بەهار و گوڵزار ڕەنگی زەرد هەڵدەگەڕێت بۆ دڵ نابێتە میوان
خۆشەویستی هەندێ جار گەردیلەیەک دەکاتە خۆر
هەندێک جاریش خۆر دەتوێنێتەوە و دەیکاتە خۆر
هەندێک جار خۆشەویستی دەبێتە پاشای مەملەکەتی دڵ
هەندێک جاریش ناحەقی دەبێتە پاشا لە مەملەکەتی دڵ
خۆشەویستی زۆر ڕووناکە ، تەنانەت دوورترین دووریەکان نزیک دەکاتەوە
بەڵام زۆر جار ناتوانێت خۆشی ڕووناک بکاتەوە خۆشی بە بێ دەسەڵاتی دەمێنێتەوە
هەندێ جار خۆشەویستی بۆ ئێمە دەپاڕێتەوە و هەوڵمان بۆ دەدات
کەچی ئێمە زۆر جار دەیڕەنجێنین و پارچەکانیمان بۆ لێک نادرێتەوە لە زۆر کات و سات

عەلی ساڵح ئاریانی – هەولێر

Previous
Next