Skip to Content

پاییزه‌ شه‌وێك …. خه‌زان محه‌مه‌د

پاییزه‌ شه‌وێك …. خه‌زان محه‌مه‌د

Closed
by ئازار 27, 2017 General

سلێمانی
له‌ شه‌وێكدا …
له‌ گه‌ڵ قژه‌ زه‌رده‌كه‌ی پاییزدا
هۆن .. هۆن .. بارانی رۆندك
له‌ هه‌وری چاوه‌كانمه‌وه‌
ده‌هاتنه‌ خوارێ …!
بروسكه‌یه‌كم كرده‌ قردێله‌ و
دام له‌ پرچی شه‌و
ئه‌ندێشه‌ ناسكه‌كانم
به‌ تاڵه‌ تیرێژی شیعرێكا
هه‌ڵواسی …!
شمه‌كه‌ ته‌ڕه‌كانی مه‌راقم
له‌ سه‌ر ته‌نافی ئازارێك
وشكه‌وه‌ كرد
ئه‌ی پاییز….
وه‌ك چۆن دره‌خته‌كانت
له‌ جلوبه‌رگی گه‌ڵاكان
رووت كرده‌وه‌
وه‌ره‌ و دوا گه‌ڵای دره‌ختی
مه‌رگ لێنیشتووی
سیمای زه‌ردم
هه‌ڵوه‌رێنه‌ ..!

mm

دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.

Previous
Next
Kurdish