Skip to Content

447 Views

دایکم … سمکۆ

دایکم … سمکۆ

Be First!
by April 8, 2017 General, Poems
image_print

من دایکێکم هەبوو
بۆنی شویت و عەنبەری لیدەهات
نینۆکەکانی گوڵە نیرگز بوون و
لە نێو درزی مەمکەکانی
خۆر هەڵدەهات
من باخێکم هەبوو
چوار وەرزە هەر بەهاربوو
چڵی گوڵەکانی چۆلەکەیان دەگرت و
ڕووبار لە چاویان
خوڕەی دەهات
دایکم دڵی کێلگەیەك بوو
سەوز وەکو دار سنەوبەر
مزر وەکو هەنارەکان
لە باتی دڵۆپی باران
ماچ بە تاو هاژەی دەهات
۳٦ بەهار بەر لە ئیستا
لە عەسرێکی پرچ ئاڵتوونی
دایکم لە باخچە ئاوا بوو
لەو ڕۆژەوە نەخۆر هەڵهات
نە چۆلەکەش لە خونچەوە
جاریکی تر
سەری دەرهات

سمکۆ ۲٠۱۷ لەندەن

Previous
Next

Leave a Reply