فیلمی سینەمایی “رەشەبا” بەشداریی لە فیستیڤاڵی جیهانی فیلمی فەجر دەکات

مەنسوور جیهانی ـ فیلمی سینەمایی “رەشەبا” لە دەرهێنانی “حوسێن حەسەن” بەشداری لە سی و پێنجەمین خولی فیستیڤاڵی جیهانی فیلمی فەجر دەکات.
فیلمی سینەمایی “رەشەبا” The Dark Wind لە دەرهێنانی سینەماکاری کورد “حوسێن حەسەن” و لە بەرهەهێنانی سینەماکاری کورد “مەمەد ئەکتاش” بە نوێنەرایەتی لە هەرێمی کوردستان لە دوو بەشی “جشنوارە جشنوارەها” (جام جهان نما) واتە “فیستیڤاڵی فیستیڤاڵەکان” و بەشی “زیتونهای زخمی” واتە “زەیتوونە بریندارەکان” لە میانەی سی و پێنجەمین خولی فیستیڤاڵی جیهانی فیلمی فەجر لە پەردیسی سینەمایی “چارسوو” لە شاری تارانی پێتەختی وڵاتی ئێران نمایش دەکرێت.

فیلمی سینەمایی “رەشەبا” لە بەشی “فیستیڤاڵی فیستیڤاڵەکان” لەگەڵ 15 فیلمی دیکە لە وڵاتانی جۆراوجۆری جیهان نمایش دەکرێت، لەوانە: فیلمی سینەمایی “مامۆستا” The Teacher لە دەرهێنانی “یان ژێبیک” Jan Hrebejk بەرهەمی هاوبەشی وڵاتانی ئێسلۆڤێنی و کۆماری چیک، فیلمی سینەمایی “پیاوی بێ دەردیسەر” Mr. No Problem لە دەرهێنانی “می فێنگ” لە وڵاتی چین، فیلمی سینەمایی “ئیعترافەکان” The Confessions لە دەرهێنانی “رۆبێرتۆ ئاندۆ” Roberto Ando لە وڵاتی ئیتالیا، فیلمی سینەمایی “شوان” The Shepherd لە دەرهێنانی “جاناتان سێنزال بێرلی” Jonathan Cenzual Burley بەرهەمی هاوبەشی وڵاتانی ئیسپانیا و بەریتانیا، فیلمی سینەمایی “150 میلی گرام” ۱۵۰ Milligrams لە دەرهێنانی “ئمانۆەێێل بێرنۆ” Emmanuelle Bercot لە وڵاتی فەڕەنسا، فیلمی سینەمایی “سەرمای قەلەندەر” Cold of Kalandar لە دەرهێنانی “مستەفا کارا” Mustafa Kara لە وڵاتی تورکیا، فیلمی سینەمایی “رخنە لە سەگی بۆرژوا” Self-criticism of a Bourgeois Dog لە دەرهێنانی “جوولیان رادلمایێر” Julian Radlmaier لە وڵاتی ئەڵمانیا، فیلمی سینەمایی “نیشتمانی خاپوور” Wastelands لە دەرهێنانی “میریام هێرد” Miriam Heard بەرهەمی هاوبەشی وڵاتانی شیلی، فەڕەنسا و بەریتانیا، فیلمی سینەمایی “لە دوایین رۆژانی شار” In the Last Days of the City لە دەرهێنانی “تامیر السەعید” Tamer El Said بەرهەمی هاوبەشی وڵاتانی میسر، ئەڵمانیا، بەریتانیا و ئیماڕات، فیلمی سینەمایی “شارۆمەندی بەرجەستە” The Distinguished Citizen لە دەرهێنانی هاوبەشی “ماریانۆ کان” و “گاستۆن دۆپرا” Gastón Duprat بەرهەمی هاوبەشی وڵاتانی ئەڕژەنتین و ئیسپانیا، فیلمی سینەمایی “ئاورکردنەوە” Pyromaniac لە دەرهێنانی “ئێریک ئێسکیۆلدبیارگ” Erik Skjoldbjaerg لە وڵاتی نۆڕوێژ، فیلمی سینەمایی “بژیی لە فۆکۆشیما” Greetings from Fukushima لە دەرهێنانی “دۆریس دووری” Doris Dörrie لە وڵاتی ئەڵمانیا، فیلمی سینەمایی “ئانیشوارا” Anisoara لە دەرهێنانی “ئانا فلیسیا ـ ئێسکۆتلنیسۆ” Ana-Felicia Scutelnicu لە وڵاتی مۆڵداوی، فیلمی سینەمایی “پاشای بەڵژیکییەکان” King of the Belgians لە دەرهێنانی هاوبەشی “پیتێر براسێنس” و “جێسیکا وودۆرس” Jessica Woodworth لە وڵاتی بەلژیکا و هەروەها فیلمی سینەمایی “شێر” Lion لە دەرهێنانی “گێرس دێویس” Garth Davis بەرهەمی هاوبەشی وڵاتانی ئیسپانیا، ئەمەریکا و بەریتانیا.

بەڕێوەبەرایەتی ڕاگەیاندنی گشتیی فیستیڤاڵی جیهانی فیلمی فەجر.

Dengekan

دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.