Skip to Content

بۆ تۆ  … سه‌ردار جاف

بۆ تۆ … سه‌ردار جاف

Closed
by ئایار 22, 2017 General, Poems

له‌ سه‌فه‌ری ره‌نگه‌كانا
چاوه‌نواڕم
فڵچه‌ ده‌ستی نیكاركێشێ
له‌ ده‌رگای حه‌زه‌كانم با
په‌یامی خوای ئیشق بێ و
خۆی ته‌یار دا
له‌ مه‌لۆتكه‌ی كوڵمی ئاڵا
له‌ ده‌سرازه‌ی چاوی خومار
له‌ باڵا لاولاوی لێوێ
به‌ قامه‌تی گه‌ردن به‌رزی ته‌داره‌كێ
ئاڵاند بێ
له‌ كاروانی گه‌ڕانه‌وه‌
ده‌بێته‌ ده‌نگی ناوازه‌
چه‌پكێ حه‌زی سه‌رشێتی دڵ
بوخچه‌یه‌ك ماچی گڕ گرتووی
شتڵی لێوێ
باوه‌شێ هه‌ناری سۆمام
له‌ كۆڵ ده‌نێ
عه‌رشی له‌ خاواریی پڕ كرد
ئه‌وه‌ قه‌ده‌ری ئه‌وینه‌
بۆ ئامێزی سینه‌ی نه‌رمی
ناڵاند بێ

ئه‌ڵمانیا
19 / 5 / 2017

Previous
Next
Kurdish