Skip to Content

293 Views

کەسێک بەرێوە خەون راودەکات … جەلال بەرزنجی

کەسێک بەرێوە خەون راودەکات … جەلال بەرزنجی

Be First!
by June 22, 2017 General, Poems
image_print

لە نێوان دوو زەریادا
کەسێک بەرێوە خەون راو دەکات.
باڵندەیێک،
هێلانە ون دەکات.
شیعر،
هاودەنگمە.
سەبرم لە سەر گۆچانە.
چرای روحم بە خەم دەسووتێ.
لە نێوان هەردوو زەریادا،
لە وشە زیاترم نیە،
بەڕەڵای کەمە ئاسمان
نازانم،
نە دەگەڕێتەوە ناو قەفەز،
نەدەفڕێت بۆ رؤژهەڵات !
لە نێوان هەردوو زەریادا،
چاوەڕوانی ئەو کەسەم،
خەونەکەی راوبکات.
بگات،
پیلانێک بۆ کوشتنی نائومیدی دابنێن
ئاگردئک لە وەرزی گەرم نەبوونەوە بەردەین..

کەنەدا

Previous
Next

Leave a Reply