‎بۆ کچە یەزیدیەکە … ‎سمکۆ

‎ئەی ئە و خۆرەی ئاوا بویت و
‎ڕێی هەلهاتنەوەت لێ گیرا
‎نەك تەنها کوردستان
‎خودات لە خەونی ئەبەدی و
‎ویژدانت لە گۆڕ دەرهێنا
‎ پەپوولەی پڕ خەونی شیللەیت
‎لە نێو پەڕەی تۆزاوی قورئانێکدا
‎لە خاچ درا
‎بە پێی یاسای موبارەکیان
‎تۆ سەبایای
‎ڕق و کینەی دوو قەرنیان
‎لە پرچ و جەستەی تۆ دەرهێنا
‎ئەی خۆری قژ هەلپروسکاو
‎بڕۆو ئاوڕمەدەرەوە
‎ بۆ هەسارەیەکی دی بگەڕێ
‎لەوێ هەڵبێ
‎هەسارەیەک کەتائیستا
‎دەستی خودای نەگەشتبێ
‎لەوی بژی لەوی بنوو
‎لەوێ وانەی عەشق بڵیرەوە
‎ باسی جهەنمی زەوی
‎بۆ گشت مەخلوقەکانی بگێڕەوە.

Dengekan

دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.