Skip to Content

631 Views

پەنجەرە…(خۆشبەختی) … چالاک ئـاغجەلەری

Be First!
by September 22, 2016 Poems
image_print

تۆ دەروازەی ھەناسەیەکی
پاکی
دڵنەوایی دیوارێکی قوڕ بە بەرد
بووی
پاراوگەی حەسرەتی دیداری
جووت دڵداری،
لە قەڵای خوا پێداوا
گەورەی بەئـەندازەی خەونی
ھەژارێ
لە ماڵێکی ڕووتیشدا
بچوک خۆت دەرئـەخەی
حەبیبێ،
تۆرانی تۆ .. لە ڕوحی ژیاندۆستیدا
درۆیەکە و ئـاشت بەرەوە،
کۆشکی گەورە و دڵی بچوک
بە نەفرەت کە
بگەڕێوە عاشقانت بەدوا وێسگەت
سەرمەست کە
ئـا ئـەوەتا لە ناوەندی چواردیواری
بە بەرد بوودا
زارۆکێکی لە ئـامێزە..
بە بێئـاگا
سەرقاڵی خواردنەوەی شیرێکی
منەتباری بە قەرزە،
ھەموو پێکڕا ئـومێدبڕاوی کرانەوەی
دەرگاکانین
تروسکەیەک بەدی دەکەین ، تا کۆتایی
چاوەڕوانین
بگەڕێوە خونچەی بوونمان
بپوشکێنە
ھەتا مەنزەڵ دیلانەی ژیان
بچەرخێنە.

چالاک ئـاغجەلەری
١٩/٩/٢٠١٦ تۆرنتۆ

Previous
Next

Leave a Reply