Skip to Content

Closed
by ته‌مموز 29, 2017 General

ریفراندۆم به‌ڵكو هۆكارێكه‌ بۆ سه‌ربه‌خۆیی، گه‌ڕانه‌وه‌یه‌ بۆ ئیراده‌ی‮ ‬میلله‌ت‮، ‮ ‬بۆ ئه‌و قۆناغه‌ی‮ ‬كورد زه‌رووره‌تێكی‮ ‬زۆر گونجاو و هاوته‌ریبه‌ له‌گه‌ڵ هه‌موو ئه‌و ڕووداوو پێشهاته‌ خێرایانه‌ی‮ ‬ناوچه‌كه‌ و هه‌رێمی‮ ‬كوردستانی‮ ‬گرتووه‌ته‌وه‌‮. یه‌كێك له‌و هێزه‌ سه‌ره‌كی‮ ‬وكاریگه‌رانه‌ی‮ ‬كه‌ پێویسته‌ سه‌رۆكایه‌تی‮ ‬هه‌ر نه‌ته‌وه‌یه‌ك پشتی‮ ‬پێببه‌ستێت‮،‮ ‬هێزی‮ ‬گه‌له‌‮.
ئه‌و ڕێگه‌یه‌ی كه‌ سه‌رۆك بارزانی پێدا ڕویشتووه‌ و ده‌ڕوات، دروسته‌ وگوزارشت له‌ ئامانجی پیروزی نه‌ته‌وه‌یی و نیشتیمانیمان ده‌كات كه‌ ئه‌ویش هه‌نگاونانه‌ به‌ره‌و سه‌ربه‌خویی كوردستان، ئه‌مڕۆكه‌ هه‌موو تاكێكی‮ ‬كورد چاوه‌ڕوانی‮ ‬ڕاگه‌یاندنی‮ ‬ده‌وڵه‌تی‮ ‬كوردییه‌ له‌ باشووری‮ ‬كوردستان، به‌ڵام لێره‌وله‌وێ، ده‌نگێكی‮ ‬نه‌شاز، ‬له‌ ئاوازێكی‮ ‬دژ به‌ خواست و ویستی‮ ‬خه‌ڵكی‮ ‬كوردستان، ‬دژ به‌ سه‌ربه‌خۆیی‮، ده‌خوێنێت،‮ ‮ ئه‌گه‌ر له‌ هه‌وڵه‌ سیاسی و دیبلوماسییه‌كانی سه‌رۆك بارزانی ورد ببینه‌وه‌، گشت هه‌نگاوه‌كانی به‌ره‌و ئه‌م ئاراسته‌یه‌ نیشتیمانییه‌ پیروزه‌ن و له‌ هه‌وڵی به‌رده‌وامدایه‌ بۆ ڕزكاركردنی گه‌ل و نیشتیمانه‌كه‌ی له‌ ژێرده‌ستی و كوێلایه‌تی، توانیویه‌تی به‌ سیاسه‌تی حه‌كیمانه‌ی خوی له‌ سه‌ر ئاستی هه‌رێمایه‌تی و نێوده‌وڵه‌تی سه‌ركه‌وتنی گه‌وره‌ تومار بكات و دۆزی كورد بگه‌یێنێته‌ ئاستێكی وه‌ها كه‌ كومه‌ڵگه‌ی نێوده‌وڵه‌تی به‌ تایبه‌ت وڵاته‌ زلهێزه‌كان پشتگیری داوای ڕه‌وای گه‌له‌كه‌مان بكه‌ن.
ڕیفراندۆم بۆ گه‌ییشتن به‌‮ ‬سه‌ربه‌خۆیی‮، ‬مافێكی‮ ‬ڕه‌وایه‌،‮ ‬ئازادیش وه‌رده‌گیرێت و به‌كه‌س نابه‌خشرێت،‮ له‌ په‌یماننامه‌،‮ ‬یاسای‮ ‬مافی‮ ‬مرۆڤ،‮ ‬یاسا نێوده‌وڵه‌تی‮ ‬و نێوخۆییه‌كان ده‌قێكمان نه‌بینوه‌، تانه‌ له‌ ئازادی‮ ‬گه‌لێك بدات،‮ هه‌ربۆیه‌ كاتی راگه‌یاندنی ده‌وڵه‌تی كوردی هاتووه‌، پێویسته‌ به‌ شێوه‌یه‌كی ئاشتیانه‌ له‌گه‌ڵ عێراقدا، سه‌ربه‌خۆیی به‌ده‌ست بهێنین، ڕۆژه‌كانمان به‌وه‌ی‮ ‬ڕۆیشت و ئه‌وه‌ی‮ ‬دێت هه‌ر هه‌موویان مێژووین‮، كورد بۆ به‌ده‌ستهێنانی سه‌ربه‌خۆیی دونیایه‌ك قوربانی داوه‌، شه‌هیدی داوه‌، ئه‌نفالكراوه‌، زیندان و ناره‌حه‌تی بینیوه‌، خه‌باتی بێ پچرانی كردووه‌، ده‌بێت خاڵێكیش هه‌بێت، له‌دواجاردا پێی بگات، كه‌ ئه‌ویش سه‌ربه‌خۆیی و ڕاگه‌یاندنی ده‌وڵه‌تی كوردستانه‌، ئه‌مه‌یش ده‌بێته‌ وێستگه‌ی حه‌سانه‌وه‌ی یه‌كجاره‌كی بۆ هه‌موو تاكێكی كورد و كوردستانیان.

mm

دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.

Previous
Next
Kurdish