Skip to Content

576 Views

هــه‌ڵــه‌ڕن … شـیعری ئارام ساڵح

هــه‌ڵــه‌ڕن … شـیعری ئارام ساڵح

Be First!
by October 1, 2017 General, Poems
image_print

1
(هه‌ڵه‌ڕن)
یه‌كه‌یه‌كه‌ لوولت دان و
له‌ناو بوخچه‌ی بێباكی دا شه‌ته‌كت دان
تازه‌ ئیتر
چی له‌و گوڵی هه‌سته‌ گه‌چڵاوانه‌م بكه‌م
باخچه‌ی دڵمت هه‌ڵه‌ڕن كرد
2
(سینگار)
به‌رده‌وام هه‌ر له‌ مه‌شق دام
ئای له‌ هه‌ورازه‌ ڕێ ی عه‌شقت چه‌ند ڕكه‌
وام له‌ سینگاری دڵت دا!
مردن یه‌كه‌ و نابێ به‌ دوو…
هه‌ر ده‌بێ بگه‌م به‌ لووتكه‌

3
(ئیمتیحان)
نه‌ یه‌ك وشه‌، نه‌ یه‌ك پیتم
بۆ نه‌نووسرا
له‌ ئیمتیحانی عه‌شقی دا
وه‌ره‌قه‌ی سپیم ته‌سلیم كرد
4
(دیلانه‌)
من
نۆته‌كانی ئاوازی دڵ ده‌نووسمه‌وه‌
تۆ تێكستی نه‌غمه‌ی بولبول
ده‌ی ده‌وه‌ره‌
با دیلانه‌ی عه‌شق بڵێین به‌ یه‌كه‌وه‌
5
(گه‌وره‌ترین گۆڕستان)
له‌و جه‌نگه‌ درێژخانه‌ی ئه‌وینت دا
ملیۆنه‌ها حه‌سره‌تم بوون به‌ قوربانی…
گه‌وره‌ترین گۆڕستانی شه‌هیدانه‌
ئه‌و نیشتمانه‌ی دڵی من!
6
(كه‌شكه‌بژێر)
چش له‌ كه‌شكه‌بژێری ته‌مه‌ن
چش له‌ مه‌رگی ناواده‌ی خۆم
كه‌ من ئێستا باخه‌وانی
باخه‌هه‌ڵواسراوه‌كانی
نێو داستانی ئه‌وینی تۆم
7
(شین)
له‌سه‌ر سیله‌ی كۆڵانه‌ی (با)
له‌به‌رده‌م ماڵی (پایز) دا
به‌دیار ته‌رمی په‌پوله‌یه‌ك
گوڵ… پرچی خۆی ده‌ڕنیه‌وه‌.
8
(ده‌نگدانه‌وه‌)
له‌ ئه‌شكه‌وتی دڕدۆنگیتا
به‌رده‌وام ده‌نگ ده‌داته‌وه‌
ناڵه‌ی دڵم

Previous
Next

Leave a Reply