Skip to Content

183 Views

حه‌لال و حه‌رامی ئیستیعمار  سه‌لام ناوخۆش

حه‌لال و حه‌رامی ئیستیعمار سه‌لام ناوخۆش

Be First!
by October 1, 2017 General
image_print

زۆر ڕه‌وشی سیاسی هه‌یه‌ ئاراسته‌ی حه‌لال و حه‌رام ده‌گۆڕێ ! حه‌لال و حه‌رام ته‌نیا له‌ خواردن و خواردنه‌وه‌ نییه‌. له‌ ئیسلام حه‌لال و حه‌رام ته‌نیا له‌ دوو چه‌مكی ( ئه‌رێ‌ ) و ( نه‌رێ‌) كورت نه‌كرایته‌وه‌ ، به‌ واتای فلان شله‌ و ئاو بخۆ و بخۆوه‌ ، فیسار مه‌خۆ و مه‌خۆوه‌ . له‌ فۆنه‌تیكی هه‌ردوو وشه‌دا ( گۆكردنی هه‌ردوو وشه‌ی حه‌لال و حه‌رام)دا ده‌رده‌كه‌وێ به‌شی حه‌لال زۆر زیاتره‌ له‌ پشكی حه‌رام! پێش ئیسلام ، ڕاهیب و ئه‌حباره‌كان به‌ ئاره‌زووی خۆیان سنووریان بۆ حه‌لال و حه‌رام ده‌كێشا ، به‌ جۆرێك لای هه‌ندێ پیاوی په‌رستگا حه‌لال و حه‌رام په‌یوه‌ندی به‌ ئیقتیصاده‌ هه‌بوو !

كورده‌واری جوانی وتوه‌ ” دینی موحه‌مه‌دی به‌ ئاشكرا خۆشه‌” ، بۆیه‌ ئه‌م دینی موحه‌مه‌ده‌ به‌ ئاشكرا و ڕاشكاوی ده‌ڵێ : ئه‌وه‌ی بۆ تۆ حه‌لاله‌ ، بۆ منیش حه‌لاله‌ ، به‌ پێچه‌وانه‌كه‌شی دروسته‌!
دوای ئه‌وه‌ی ئیستعماری نێوده‌وله‌تی چه‌نده‌ها ئیستعماری لۆكه‌لی به‌رهه‌م هێنا ، شه‌رمی له‌ ئیستعماربوونی خۆی كرد و بارگه‌ی خۆی تێكنایه‌وه‌ ! ئیستعماری لۆكه‌لی وه‌ك ده‌سه‌ڵاتی توركی و عه‌ره‌بی و فارسی نه‌وعی ئیستعماری نێوده‌وڵه‌تی نییه‌ : ئه‌وه‌ هه‌موو شتت داگیرده‌كات و له‌ ڕواڵه‌تیش خۆی به‌ دیندار ده‌زانی !

له‌ 25ی نۆ زۆربه‌ی كوردی باشوور له‌گه‌ڵ پێكهاته‌ ئایینی و نه‌ته‌وه‌ی تر به‌ ڕێژه‌ی (92%) بڕیاریدا ماڵی له‌ عه‌ره‌بی عێراق جیا بكاته‌وه‌ ، قیامه‌ت قه‌وما! چۆن ده‌بی میلله‌تێك خاوه‌ن جیوگرافیه‌كه‌ی داخراو بی ، داوای سه‌ربه‌خۆیی بكات؟ له‌ مێژه‌ هه‌رسێ حوكمرانی هاوسێ ، كه‌ به‌ نیسبه‌ت كورد ئیستیعماری لۆكالین، تۆمه‌تی ئیسرائیلی دووه‌م بۆ كورد داده‌تاشن ، ئه‌مجاره‌ وتیان نه‌مانگوت : سه‌یركه‌ن كورده‌كان له‌ ده‌ره‌وه‌ و هه‌نده‌ران ، ئاڵای ئیسرائیل به‌رز ده‌كه‌نه‌وه‌!! شه‌ناوی ڕه‌حمه‌تی له‌ نۆوه‌ده‌كان ده‌یوت : الاكراد یتامی المسلمین ! بۆچی ژماره‌یه‌كی كه‌می كورد ئاڵای ئیسرائیل به‌رز ده‌كه‌نه‌وه‌؟! له‌و هه‌موو ده‌وڵه‌ته‌ موسڵاماننشینه‌ یه‌كێ وه‌ك ئیسرائیل به‌ ئاشكرا وتی : من لایه‌نگیری كوردانم؟! ئێوه‌ سه‌ننه‌ و شیعه‌ و سه‌له‌فی و ئیخوانگی خوێنی یه‌ك فڕ ده‌كه‌ن ، بۆ له‌مه‌دا بوونه‌ یه‌ك؟!

ئه‌مڕۆ مامۆستایه‌كی زانكۆی جووله‌كه‌ له‌ ئیسرائیل له‌ دیدارێك وتی : دوێنی ئه‌میرێكی سعودی له‌ ئیسرائیل بوو ؟! چی ده‌كرد؟ ده‌عوه‌ی له‌گه‌ڵا سه‌رۆكی ئیسرائیل ده‌كرد! ده‌وڵه‌ته‌كه‌ی سیسی هه‌تا پێیكرا موسڵمانی گه‌نجی كوشت و ئه‌ونیتری له‌ زیندان رزانده‌وه‌ ، دوێنێ وتی : من له‌گه‌ڵا عه‌بادیم ، ئاماده‌م ئابلوقه‌ی فڕین له‌ سه‌ر كوردستان په‌سه‌ند بكه‌م ! له‌و وڵاته‌ش نه‌ك ئاڵای ئیسرائیلی به‌ڵكو پیاوی ئیسرائیل ته‌ڕاتێن ده‌كه‌ن!

ئه‌و هه‌موو ده‌وڵه‌ته‌ ئیستعماریه‌ زۆربه‌ له‌ ئایدیۆلۆژیا له‌ ستراتیژیه‌ت ، له‌ به‌رانبه‌ر كه‌سی تر له‌ به‌رانبه‌ر دینی خودا ، له‌ ئیسرائیل خراپترن ! كام ده‌وڵه‌ت له‌و ده‌وڵه‌تانه‌ به‌ ڕاشكاوی ده‌ڵێت : من له‌ سه‌ر به‌رنامه‌ی قورئانم ؟ ئیسرائیل به‌ ڕاشكاوی ده‌ڵێ : من ده‌وڵه‌تێكی ته‌وراتیم!
بوونی ئه‌و هه‌موو ده‌وڵه‌ته‌ ئیستعمارییه‌ بوونه‌ته‌ بار به‌ سه‌ر ئیسلامه‌وه‌ و ته‌واو پێچه‌وانه‌ی گوتاری قورئانه‌وه‌ن ، بوونه‌ته‌ ڕاهیبی زه‌مانه‌ هه‌ر خۆیان حه‌لال و حه‌رام دیار ده‌كه‌ن و ده‌ڵێن : بۆ ئێمه‌ ئاساییه‌ چه‌ندان ده‌وڵه‌تمان هه‌بێ ، به‌ڵام كورد بۆی نییه‌ ده‌وڵه‌تۆكه‌یه‌كیشی هه‌بێ! نووسه‌ری
The First Muslim
ده‌ڵێت : موحه‌مه‌د زیندووببێته‌وه‌ ئه‌وه‌نده‌ی شه‌ڕی ئه‌وانه‌ ده‌كات ، شه‌ڕی كافران ناكات!!!

Previous
Next

Leave a Reply