Skip to Content

نمایشگە (پەرتوکی ئەنارکیستی)لە لەندەن

نمایشگە (پەرتوکی ئەنارکیستی)لە لەندەن

Closed
by تشرینی یه‌كه‌م 22, 2017 General

ئەمساڵیش بۆ 36 هەمین جار ( نمایشکردنی پەرتوکی ئەنارکیستی) لە لەندەن ڕۆژی شەمە ، ڕیکەوتی 28/10/2017 ، بەرپادەکرێتەوە. لەوانەیە ئەوە بپرسیت ” چ پێویست دەکات پەرتووکی زیاتر بکڕین، لە کاتێکدا کە دونیا لەم پشێوییەدایە، کۆمۆنێتییەکانمان لەژێر هەڕەشەدایە؟ بۆچی هەر دەبێت تووڕەتر بین، بەڵکو دەبیت، جەنگاوەر و تێکۆشەر بین، دەبێت ئامادەی جەنگ دژ بە سیستەمەکە بین، نەك خوێندنەوەی هەندێك پەرتووك؟”

پەرتووکەکان تەنها ئامرازێکی گوێزەرەوەن ، ئەو بیرۆکانەی کە گرنگن ، لەنێو خۆیان هەڵدەگرن، لەنێو ئەم نمایشکردنە سەدان کەس دەبینیت قسەدەکەن ، لێدوان و مشتومڕ دەکەن، هەر ئاوا لەسەر بیرۆکەی ئەنارکیستی و ڕامیارییەکانی ململانێی تێکۆشانی چینایەتی، پێداگرییدەکەن و بەڵگە دەهێننەوە. سەبارەت بەوەی کە دەتوانین ئەنجامیبدەین ، لێدوان دەکەین، بۆ ئەوەی بەرنامەکەی دەوڵەت و چینی فرماندەران لەنێو هەموو ڕۆژێکی ژیانی خۆمان، لە سەرتاسەری دونیا ، هەڵوەشێنینەوە.

لەنێو دونیایەك، کە لەوێدا ملیاردەر سەرۆکە و خۆی دژ بە دامەزراوەکان، دەزگەکان، ئەژمار دەکات، هاوکاتیش ڕاستڕەوەکان ترسی نامسۆگەریی ژیان دەقۆزنەوە، چەپیش بە ئێمە دەڵێت: ئەگەر ئێمە تەنیا دەنگ بە سەرکردە شێوە نوێیەکان بدەین، ئیدی کارمان مەیسەرە…. لەو کاتەدا ئێمە دەبێت دوور لە سنوربەندیی بیرۆکە ساختەکان و فێڵکردن ، تەماشای ململانێیە ڕاستەقینەکان بکەین کە هەر ئێستا هەن و دەگوزەرێن. هەر ئاوا کە لە ڕابوردووشدا گوزەراون. ڕامیاریی ئەنارکیستەکان سەبارەت بە ململانێ، یان تێکۆشانی چینایەتی زیاتر [لە] هەموو کاتێکی دیکە گرنگترن.

ئەوانەی لەو چەند ڕستەی سەرەوەدا وترا ئەوانەن کە لە ڕۆژی (نمایشکردنی پەرتوکی ئەنارکیستی) لە تەك مشتومڕ و لێدوان و بەڵگەهێنانەوە و ئەزموونە کردەییەکان و بیرۆکە تازەکان پێشکەشدەکرێن، هیوادارین سوودبەخش بن.

شوێن:

Venue: Park View School , West Green Road , N15 3QR
Rail/Tube Seven Sisters ( National Rail or Victoria Line ) / Turnpike Lane ( Piccadilly Line)
Buses: 41, 67, 230, 341 ( Get off at stop near junction of Black Boy Lane and West Green Road)
Access: Full disability access.
Children: Crèche ( 2years -8years ) and older kids space ( 8 years upward)
تکایە بۆ زانیاری زیاتر سەردانی ئەو ماڵپەڕەی خوارەوە بکە:
WWW.ANARCHISTBOOKFAIR.ORG.UK
هەرەها بۆ پەیوەدنیکردنیش تکایە پەیوەندی بەم ئیمەیل ئەدرێسەوە بکە:
MAIL@ANARCHISTBOOKFAIR.ORG.UK/ @ANOKBOOKFAIR
*خوێنەری بەڕیز ئەو ڕۆژە زیاتر لە 60 کۆڕ و سمینیار و وۆرکشؤۆپ ئەنجامدەدرێن ، هەڵبەتە بێجگە لە نمایشکردنی فلیم لەبارەی پارێزگاریکردن و بەرەنگاربوونەوە .
دوو لەو کۆبونەوانە لەبارەی ‘باکور’ و ‘ڕۆژاوای’ کوردستانن. یەکەم لەبارەی فێمنیزم و فێمەنیستی کورد، لە لایەن چالاك و نوسەر و ئەکادیمیست ( دیلار دێریك) پێشکەشدەکرێت . ئەوی دیکە لەسەر (ڕۆژاوا) دەبێت کە لە لایەن دوو هاوڕێی ئینگلیزی-زمان پێشکەشدەکرێت، کە بە خۆیان 6 مانگ لە ( ڕۆژاوا ) بوون و ژیاون.

mm

دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.

Previous
Next
Kurdish