Skip to Content

گه‌مه‌ قورسه‌كه‌ نزیك بۆته‌وه‌ …..4 … سه‌ردار جاف

گه‌مه‌ قورسه‌كه‌ نزیك بۆته‌وه‌ …..4 … سه‌ردار جاف

Closed
by تشرینی یه‌كه‌م 22, 2017 General

( به‌شی چواره‌م / ئێران )

هه‌ر له‌ ده‌سپێكی شۆڕشی ئیسلامی له‌ وڵاتی شانشینی ئێران به‌ سه‌ركردایه‌تی ئایه‌توڵلا خومه‌ینی له‌ به‌رایی ساڵی 1979 هه‌ڵگری یه‌ك دروشمی زه‌ق بوو كه‌ ئێستا خۆرهه‌ڵاتی ناوین به‌ ده‌ستییه‌وه‌ گیرۆده‌ بوون، ئه‌ویش هه‌نارده‌كردنی شۆڕشی ئیسلامی بۆ ده‌ره‌وه‌ی وڵاتی ئێران، كه‌ ئه‌مه‌ خۆی له‌ خۆیدا په‌لهاویشتنی مه‌زهه‌بگه‌رایی شیعه‌بوو به‌ره‌و وڵاتانی ده‌وروبه‌ر و ناوچه‌كه‌، سه‌ره‌تا له‌ رێگای چه‌ند پارتێكی شیعه‌ مه‌زهه‌به‌وه‌ په‌لیان به‌ره‌و ئێراق هاویشت، ده‌سه‌ڵاتدارانی ئه‌و سه‌رده‌مه‌ی ئێراق كه‌ خۆی له‌ حزبی به‌عس ده‌بینییه‌وه‌ به‌ سانایی له‌ مه‌رامه‌كانی كۆماری ئیسلامی ئێران گه‌یشت، بۆ رێگه‌گرتن له‌ ته‌وژمی ئیسلامی هه‌ژموونی ئێرانی به‌ سه‌ر وڵاته‌كه‌دا، تاك لایه‌نه‌ رێكه‌وتننامه‌كه‌ی جه‌زائیری هه‌ڵوه‌شانده‌وه‌ و نیه‌ته‌كانی هه‌ڵگیرساندنی شه‌ڕ ده‌ستی پێكرد، له‌ ناوخۆیش ده‌ستی به‌ سه‌ركوتكردنی ئه‌و بیره‌ مه‌زهه‌بییه‌كرد، له‌م رووه‌یشه‌وه‌ زۆربه‌ی وڵاتانی عاره‌بی پاڵپشتی ئێراق بوون، تاكه‌ وڵات سوریا بوو كه‌ به‌ فه‌رمی پشتگیری له‌ ئێران ده‌كرد، ئه‌مه‌یش په‌یوه‌ست بوو به‌ ده‌رهاویشته‌ ناكۆكی خودی ئه‌و حیزبه‌ كه‌ به‌بالی سوری و ئێراقی ناسراو بوو، هه‌ر له‌ هه‌مان ساڵی كوده‌تاكه‌ی ئێران به‌ سه‌ر شاهه‌نشای ئێراندا كرا ، سوریایش له‌ رێگای محمد عایش و هاوڕاكانی هه‌وڵی كوده‌تایه‌كیان دا و سه‌رنه‌كه‌وتن.

له‌ ولاتانی سوریا و لوبنان و فه‌له‌ستینیش دوو حزبی شیعه‌ مه‌زهه‌ب سه‌ریان هه‌ڵدا و كه‌وتنه‌ ناوانه‌وه‌ و ئێرانیش تاكه‌ فریاد ره‌سیان بوو تا به‌ ئه‌مڕۆیش ده‌گات ئه‌وانیش ( حه‌ماس ) و ( حزب الله )، له‌م جموجوڵه‌ به‌ په‌لانه‌دا ویلایه‌ته‌ یه‌كگرتووه‌كانی ئه‌مریكا گورزی هه‌ڵكوتانه‌ سه‌ر باڵوێزخانه‌كه‌ی هه‌ر له‌ سه‌ره‌تای شۆڕشی ئیسلامی ئێران له‌ تاران به‌ركه‌وت، سه‌رباری ئه‌وه‌یش هه‌ندێك پێیان وایه‌ په‌یوه‌ندی ژێربه‌ ژێر له‌ نێوان ( ئێران و ئه‌مریكا ) هه‌بێت، چونكه‌ له‌وكاته‌وه‌ تا به‌ ئه‌مڕۆ ده‌گات ئه‌مریكا زور شه‌رمنانه‌ باس له‌ پاڵپشتیكردنی ئێران ده‌كات له‌ په‌لهاویشتن و پشتگپریكردنی تیرۆر ، وتاره‌كه‌ی رۆژی 13 / 10 / 2017 ترامپ زور به‌ شه‌رمنی هه‌ڵوێستێكی ره‌زیلانه‌ی ویلایه‌ته‌ یه‌كگرتووه‌كانی ئه‌مریكای ده‌ربڕی، ترس و بێ توانایی وڵاته‌كه‌ی له‌ بریاردان نیشانی هه‌موو جیهان دا، ئه‌مه‌یش به‌ ڕای ئێمه‌ ئه‌و په‌یوه‌ندییه‌ ژێربه‌ ژیّرانه‌ نه‌بێت هیچی دیكه‌ نیشان نادات.

قۆرخكردنی ئێراق و سوریا و لوبنان و یه‌مه‌ن و خولقاندنی ئاژاوه‌ له‌ وڵاتانی به‌حرێن و كوه‌یت و سعودیه‌ له‌لایه‌ن ئێرانه‌وه‌ بۆ خۆی هه‌ندی به‌ڵگه‌ی ئه‌وتۆ به‌ ده‌سته‌وه‌ ده‌ده‌ن كه‌ ئه‌مریكا و رۆژئاوا هاوڕان له‌ سه‌ر ئه‌و نه‌خشه‌ رێگایه‌ی بۆ ناوچه‌كه‌ هاتۆته‌ ئاراوه‌ و رۆڵی ئێرانیش چی ده‌بێت، ئه‌مه‌ یه‌كێك له‌ سیناریۆكان ده‌بێت ئه‌گه‌ر كۆمه‌ڵگه‌ی نێوده‌وڵه‌تی پشتگیری ئه‌مریكا بن ، به‌ڵام خۆ به‌ ده‌سته‌وه‌نه‌دانی چین و رووس له‌ پرسی هه‌ره‌شه‌كانی كۆریای باكوور وای كردووه‌ گه‌مه‌كه‌ بۆ ئه‌مریكا قورس بێت، ئیدی رۆژگار چاره‌نوسه‌كان ده‌رده‌خات. یا ئه‌وه‌تا ئه‌مریكا و هاوپه‌یمانانی دێنه‌ سه‌ر بیروراكه‌ی هینگتون و كێشمه‌كێش و ململانێی شارستانیه‌ته‌كان ده‌ست پێبكات، یانیش ئه‌وه‌یه‌ بلۆكی دووه‌م سه‌ركه‌وتن تۆمار ده‌كات و ئه‌و مه‌رامه‌ به‌دی نایه‌ت و له‌ هه‌ر دوو حاڵه‌ته‌كه‌دا ئێران مل بۆ داخوازی كوردان ده‌دات ده‌نا بۆ خۆی باش ده‌زانیت، چاره‌نووسی به‌ كوێ ده‌گات .

Previous
Next
Kurdish