Skip to Content

375 Views

میرشیا شه‌خسه‌یه‌كانتان باش ……شاخه‌وان سه‌نگاوی

میرشیا شه‌خسه‌یه‌كانتان باش ……شاخه‌وان سه‌نگاوی

Be First!
by October 26, 2017 Uncategorized @ku
image_print

ئه‌و ڕووداوانه‌ی چه‌ند رۆژی ڕابردوو كه‌ له‌ ناوچه‌ جێناكۆكه‌كانی كوردستاندا روویدا ده‌رخه‌ری ئه‌و ڕاستیه‌ بوون كه‌ ئه‌م هێزه‌ی ئێستا هه‌یه‌ له‌ هه‌رێمی كوردستان به‌ناو له‌ ژێر سایه‌یی وه‌زاره‌تی پێشمه‌رگه‌دایه‌ جگه‌ له‌ هێزێكی میرشیایی شه‌خسه‌نه‌ هیچی كراسێكی دیكه‌ به‌ باڵایدا دانادوورێت، لێره‌دا مه‌به‌ست له‌ میرشایی شه‌خسه‌نه‌ له‌ ویوه‌ سه‌رچاوه‌ی گرتووه‌ چونكه‌ هیزیی میرشایا سه‌رچاوه‌ی بڕیاره‌كانی له‌ سه‌رچاوه‌یه‌كی ڕه‌سمی ده‌وله‌ته‌وه‌ سه‌رچاوه‌ ناگرێت ، به‌ڵكو له‌ تاكه‌ رێكخراوه‌ك یان پارتێكه‌وه‌ ده‌بێت ، به‌ڵام ده‌رئه‌نجامی ڕووداواوه‌كانی ئه‌م چه‌ند رۆژه‌ هێزی پێشمه‌رگه‌یان هێنده‌ به‌ بچوكراوه‌یی خسته‌ به‌ر دیده‌ی دۆست و دووژمنه‌كانمان كه‌ تا ئه‌و ئه‌ندازه‌یه‌ی كه‌ به‌هێزی میرشیای شه‌خسه‌نه‌ ناوی به‌برێت ئه‌ویش له‌وته‌و لێدوان و بایاناتانه‌ی كه‌ كاربه‌ده‌ستان و فه‌رمانده‌یه‌كانی ئه‌م هێزه‌ بۆ كه‌ناله‌كانی ڕاگه‌یاندنی ده‌یانگووت ده‌یڵێن ده‌رخه‌ریی ئه‌و ناكۆكیانه‌بوو كه‌ چه‌ندین ساڵه‌ رۆژنامه‌نووسان و په‌رله‌مانتاران و پارته‌كانی ئۆپۆزسیۆنی دوێنی به‌نموونه‌ بزوتنه‌وه‌ی گۆڕان هه‌میشه‌ له‌و پاكێجانه‌ی ده‌ینخسته‌ سه‌رمێزی گفتوگۆكانتان خاڵی سه‌ره‌كی دامه‌زراندنی هێزێكی نیشتمانی ، ده‌رهێنانی هێزه‌كانی پێشمه‌رگه‌ له‌ ژێرچنگی تاكی حزبه‌كان و به‌ دامه‌زراوه‌یی كردنی سه‌رجه‌م هیزه‌كان كه‌ ناوه‌ندی بڕیاره‌كانی فه‌رمانده‌یی گشتی هێزی پێشمه‌رگه‌ بێت . چونكه‌ ئه‌و لایه‌ن و كه‌سایه‌تیانه‌ی كه‌ دوێنی ده‌یانگوت هێزی پێشمه‌رگه‌ میرشیایه‌ له‌ دڵسۆزانی خۆیان بوو بۆ پرۆسه‌ی حكومه‌تداری هه‌رێمی كوردستان ، كه‌چی ئیوه‌ی خاوه‌نی ئه‌و هێزانه‌ هێنده‌ به‌ بیرێكی كورت مه‌وداوه‌ ته‌ماشا ڕووداوه‌كانی ڕۆژتان ده‌كرد كه‌ ئه‌م جۆره‌ كه‌س و لایه‌نانه‌تان به‌ جڕو جانه‌وه‌ره‌كانی نێو كۆمه‌ڵگای كوردی ناوتان ده‌بردن .
هه‌ر بۆیه‌ بۆ دێڕیكی ئه‌وان كه‌ له‌ زاریانه‌وه‌ ده‌هاته‌ ده‌رێ‌ به‌ كونفه‌ یه‌كونێك سه‌رجه‌م شه‌قام و شوسته‌كانی شارتان پڕ ده‌كرد له‌ هاواری هێزه‌كانتان داوای دادگایی كردنی ئه‌م كه‌سایه‌تیانه‌تان ده‌كرد ، به‌ڵام ئه‌وان له‌و كاته‌دا تێگه‌یشتبوون له‌ ئامانجی قسه‌كانیان ، به‌ڵام بۆ ئێوه‌ ئێستا پێویسته‌ تێبگه‌ن له‌ ئامانجه‌كانی ئه‌و قسانه‌و له‌ دوای ئه‌م شكسته‌شتانه‌وه‌ یه‌شتا دڕه‌نگ نه‌بووه‌ بۆ ئێوه‌ی سه‌ركردایه‌تی ئه‌و حیزبانه‌ی كه‌ خاوه‌نی هێزی میرشایان شه‌رم نه‌تانگرێت و داوا له‌و كه‌سایه‌تی و لایه‌نانه‌ بكه‌ن بۆ داڕشتنه‌وه‌ی په‌یكه‌ری هێزه‌ چه‌كداره‌كان به‌شێوه‌یه‌كی مۆدێرن و سه‌رده‌میانه‌ چونكه‌ ئه‌و ڕووداوانه‌ی شانزه‌ی مانگ كۆتا ڕووداو نیه‌ ! به‌ڵكو سه‌ره‌تایه‌كه‌ بۆ زنجیره‌یه‌ك ڕووداوی دوای یه‌ك به‌ست كه‌ ئه‌وه‌ سه‌ره‌تای ده‌ست پێكردنه‌كه‌یه‌تی ….
(له‌ گه‌ڵ ئه‌و په‌ڕی رێزم بۆ گیان فیدایی پێشمه‌رگه‌ ساده‌كانی كوردستان)

شاخه‌وان سه‌نگاوی
shaxewan.saed@gmail.com

Previous
Next

Leave a Reply