Skip to Content

666 Views

كۆیله‌ی میدیا … ئاری زیندینی

كۆیله‌ی میدیا … ئاری زیندینی

Be First!
by October 29, 2017 General
image_print

(راگه‌یاندن _ میدیا) , گه‌ر نه‌لێم بووه‌ته‌ (ڤایرۆس) هیچی كه‌متر نیه‌ له‌ (ڤایرۆس) له‌گه‌ڵ ڕێزم بۆ (میدیا) و میدیایی پرۆفیشناڵ و میدیایه‌ك به‌ ئه‌رك و به‌رپرسییارێتی هه‌ڵسێ‌, (میدیا) له‌و سه‌رده‌مه‌ ده‌توانێ‌ نه‌ك دۆخی هاوڵاتی ومرۆڤه‌كان بشڵژێنێ‌ به‌ڵكو ده‌توانێ‌ دۆخی وڵات وهه‌رێمیك به‌ته‌واوی بشڵه‌ژێنێ‌ و سه‌رله‌به‌ری ئاڵۆزبكات, میدیاوڕاگه‌یاندن له‌ ئه‌ساسه‌وه‌ بۆ ئه‌وه‌ دروست نه‌بووه‌ كه‌ ئه‌مڕۆ ده‌یبینین كه‌ دووركه‌وتۆته‌وه‌ له‌ ئه‌ركی (ئه‌خلاقی- كۆمه‌ڵایه‌تی- سیاسی- ئابووری- مرۆڤایه‌تی- فه‌رهه‌نگ ورۆشنبیری) كه‌ ئه‌ركی سه‌ره‌كی (میدیاوراگه‌یاندن) بۆ ئه‌مانه‌ دروست بووه‌وهاتۆته‌ كایه‌وه‌ به‌ڵام له‌ جیهانی ئێستایی بێسه‌روبه‌ری كه‌ هه‌موو ئایدۆلۆژیاوسیسته‌مه‌كان له‌ وڵاتان لێی به‌رپسیارن ته‌نهاوته‌نها بۆ مه‌رامی تایبه‌تی خۆیان (میدیا) به‌كار ده‌هێنن وبازرگانی پێوه‌ ده‌كه‌ن ! (میدیا-راگه‌یاندن) له‌ سه‌رده‌می ئێستادا بووه‌ته‌ كه‌ره‌سه‌وچه‌كێكی زۆر گرنگی به‌ده‌ست كه‌سه‌كان وده‌سه‌ڵاتداران وكۆمپانیاورێكخراوحیزبه‌كان ! تاكو مرۆڤه‌كان (كۆیله‌) بكه‌ن بۆ به‌رژه‌وه‌ندی خۆیان به‌كاری بهێنن ! به‌تایبه‌ت له‌ كۆمه‌ڵگه‌یه‌كی داخراو نا مه‌ده‌نی له‌ سه‌رتاسه‌ری جیهان به‌تایبه‌تی له‌ كۆمه‌ڵگه‌یه‌كی داخراوی نامه‌ده‌نی له‌باشوری كوردستان(هه‌رێمی كوردستان)! (میدیا) له‌ باشوری كوردستان نه‌ك ئازاده‌ به‌ڵكو (به‌ڕه‌ڵایه‌) نه‌ك به‌ئاشكرا به‌ڵكو به‌زۆر خۆی خزاندۆته‌ ناو ئه‌قڵی مرۆڤه‌كان و به‌لاڕیدابردنی مرۆڤه‌كان وشاردنه‌وه‌ی راستی وسه‌رلێشێواندنیان ! ئه‌مه‌ش به‌پاڵپشتی دارایه‌كی زۆروحیزبی ! نه‌ سه‌ندیكایی رۆژنامه‌نوسان ونه‌ وه‌زاره‌تی رۆشنبیری هه‌رێم توانایی ده‌سه‌ڵاتی به‌سه‌ره‌وه‌یان نیه‌! به‌میزاجی خۆیان مرۆڤه‌كانیان كۆیله‌وده‌سته‌مۆكردووه‌ بۆ خزمه‌تی بازرگانی وئایدۆلۆژیایی تایبه‌تی (میدیا), به‌تایبه‌ت ئه‌و كه‌نال ومیدیا حیزبیانه‌ی ده‌سه‌ڵاتدارن ودارایی به‌هێزیان هه‌یه‌!

له‌باشوری كوردستان هاوڵاتیان بوونه‌ته‌ كۆیله‌ی سه‌رسه‌ختی كه‌ناڵه‌ میدیاكان(ته‌له‌ڤزیۆن- رادیۆ- رۆژنامه‌وگۆڤاره‌كان-سایته‌كان) هاوڵاتی وتاكی وا هه‌یه‌ ته‌نیا یه‌ك كه‌نال ومیدیا به‌باش ده‌زانێ‌ بۆژیانی خۆی ئه‌وانیتر 100% ره‌فز ده‌كاته‌وه‌ ئه‌قڵی وا ڕاهاتووه‌ووا تێگێه‌ینراوه‌ یانیش له‌ ترسی حیزبه‌كه‌ی به‌لای ئه‌وانیتر ناچێ‌! یانیش هه‌رخۆیی ئه‌م كۆیله‌تیه‌ی میدیایی هه‌ڵبژاردووه‌ مه‌رج نیه‌ حیزبیش بێت! (كۆیله‌ی میدیایی) نیشانه‌ی زه‌قی نه‌بوونی ئازادی تاك و نه‌بوونی ڕۆشنبیری لای تاكه‌ هه‌رخۆی میدیاكه‌ش ئازاد نیه‌ له‌ ئه‌ساسه‌وه‌ ! ئه‌ركی میدیا له‌ باشوری كوردستان ئه‌وه‌نیه‌ هه‌ركه‌سێك قسه‌ بكات په‌خشی بكات راست یان درۆ یان دواتر چی رووده‌دات ! هاوڵاتی ته‌نانه‌ت به‌پرسی باڵا له‌ حیزبه‌كان له‌ راگه‌یاندنێك لێدوان ده‌دات له‌ راگه‌یاندنێكیتر لێدوان وقسه‌یه‌كیتر به‌لای ئه‌و ئه‌وه‌ سیاسه‌ته‌و به‌لای راگه‌یندنه‌كه‌ش ئه‌وه‌ كاری راگه‌یاندنه‌! ئه‌سڵه‌ن راگه‌یاندن ده‌بێت پاكسازی بكات له‌م جۆره‌ لێدوانانه‌ به‌دوایی ئه‌وه‌ بێت كامه‌ی راسته‌ به‌تایبه‌ت گه‌ر پرسێكی نیشتمانی بێت.

به‌م دوایه‌ (میدیا) له‌ باشوری كوردستان به‌ خراپترین ئه‌رك هه‌ڵسا له‌ تێكدانی باری ده‌روونی خه‌ڵك , هاوڵاتی وا هه‌یه‌ به‌قسه‌ی راگه‌یاندنێك ئاواره‌وسه‌رگه‌ردان بووه‌ ماڵ و حاڵی خۆی به‌جێهێشتووه‌, راگه‌یاندن له‌ كوردستان بووه‌ هۆی ئه‌وه‌ی پێشمه‌رگه‌ له‌كه‌داربكرێت وشاروگوندوشارۆچكه‌ به‌جێهێڵرا بۆ دوژمن ! له‌ باشوری كوردستان ئاستی راگه‌یاندن زۆر نزمه‌ هۆكاره‌كه‌شی ئه‌وه‌یه‌ نه‌بوونی كادری لێهاتووپڕۆفیشناڵ وگه‌نده‌ڵ و ئه‌ڵقه‌ له‌ گوێی حیزب وبه‌رژه‌وه‌ندی تایبه‌تی سه‌رباری باری دارایی باش و ته‌كنۆلۆجیا نه‌توانراوه‌ نمونه‌یه‌كی جوان وسه‌رده‌میانه‌ی (میدیا) پێشكه‌ش بكه‌ن وایی لێهاتوه‌ خه‌ڵك رقێكی زۆری له‌ (میدیا) هه‌یه‌ به‌ دوژمنی خۆی ده‌زانێت ! هه‌ركۆمه‌ڵه‌ هاوڵاتیه‌ك دوژمنایه‌تی له‌گه‌ڵ راگه‌یاندن په‌یداكردووه‌ !

Previous
Next

Leave a Reply