Skip to Content

عەفرین دەبیتە هێمای تێکۆشان … سەعید ئەمانی

عەفرین دەبیتە هێمای تێکۆشان … سەعید ئەمانی

Closed
by كانونی دووه‌م 31, 2018 General, Poems


( وەک هەڵوێستێک، پێشکەشە بە خۆڕاگری قارەمانانەی خەڵک و پارێزەرانی کانتۆنی عەفرین)

عەفرین، ئەی عەفرین ی دەلال!
سەربەرزی ئاشتی خواز
سەوز پۆشی بەژن زراڤ
لەم قۆناغە هۆڤانەدا
کۆمەڵێک بەرژەودی خواز
ویژدان تۆپیوی
ڕەنگا و ڕەنگ
تاقمێک گەمەژەی
خۆبەزل زان
مێشک گەنیوی
کەم عەقڵ و دەبەنگ
بە خەیاڵن
دابەزنە سەر
ورەی بەرزت
بە پۆستاڵی جەنایەتیان
پێشێلی کەن
نەمامی ساوای تیژ هەڵچووی
هیوای بەرزت.

ئەی عەفرین ی ئاشتی خواز و
سەوز پۆشی بەژن زراڤ
بە گورگ و چەقەڵ و ڕێوی سەردەم
دەور دراو!

تێنەگەیون
ئەم خوێنڕێژە بێ مێشکانە
لەم نەبەردە ناهاسەنگەدا گەربێت و
براوەش نەبی سەرکەوتوی
گرتوتە لوتکەی شانازی و
وەک خۆری ژیان دەرکەوتوی.

خۆڕاگر و دڵنیابە
سەرکەوتنت مسۆگەرە
تۆ بویتە هێمای تێکۆشان
وەرەبەخشی جەماوەری زۆر لێکراوی
بۆ بەگژ زاڵماندا چوون لە دنیادا
بەم پێناسە
دەرکەوتنت مسۆگەرە.

mm

دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.

Previous
Next
Kurdish