Skip to Content

شاژنی جه‌نگ … به‌ختیار محه‌مه‌د

شاژنی جه‌نگ … به‌ختیار محه‌مه‌د

Closed
by شوبات 5, 2018 General, Literature

ئه‌ی شاژنی جه‌نگ، كچی شه‌رڤان، تۆ چ قاره‌مانێكی، كه‌ جیهان به‌خۆت سه‌رسام ده‌كه‌ی و ئه‌ردۆگانییه‌كانیش وه‌ك جرج ده‌تۆقێنی! تۆ چ شه‌ره‌فێكی گه‌وره‌ی ئێمه‌ی، كه‌ ئیسلامییه‌ مرۆڤكوژه‌ داوێنپیسه‌ شه‌هوه‌تبازه‌كان ده‌به‌زێنی؛ ئه‌و ئیسلامییانه‌ی ته‌نها بۆ كۆیله‌یی تۆ و بۆ داوێنپیسیی جیهاد ده‌كه‌ن!

ئه‌وان میراتگری باب و كاله‌ ئه‌نفالچی و خوێنڕێژه‌كانیانن؛ ئه‌وان چۆن بڕوا ده‌كه‌ن (داخ له‌ دڵن)، كه‌ تۆ جه‌نگاوه‌ری و له‌وان مه‌ردتر و بوێرتری! ئه‌ی شاژنی جه‌نگ، ئه‌ی شاژنی ئومێد و ئازایی و به‌رخودان، تۆ چقڵی تیژی شه‌ره‌فی، كه‌ له‌ چاوی خه‌لیفانه‌ی ئه‌ردۆگان ڕاده‌چیت و وه‌ك كێردی ناموسیش هه‌ناوی بۆگه‌نی پیاوه‌تی ئیسلامییه‌ چه‌ته‌كان ده‌پسێنی!

ئه‌ی شاژنی ئازادیی، من نازانم ئێستا جاش و ژنكوژ و گه‌نده‌ڵكارانی كورد له‌ ئاستتدا چ دبێژن؟ چۆن له‌ ڕوویان دێ دارچناری گه‌وره‌یی كه‌سایه‌تی تۆ ببینن و گوێیان له‌ گێڕانه‌وه‌ی داستانی شه‌ره‌ف و نه‌به‌ردیی تۆ بێ؟

ئه‌ی شاژنی جه‌نگ و ئازادیی، تۆ ئیمانی پۆڵایینی به‌ سه‌ركه‌وتن: سه‌ركه‌وتنی ئازادیی خۆت و وڵاته‌كه‌ت؛ تۆ گه‌رده‌لوولی ئه‌و شه‌ره‌فه‌ی، كه‌ ئه‌ردۆگان و جاشه‌ موجاهیده‌كانی ده‌حه‌په‌سێنی و ده‌تۆقێنی… تۆ حه‌قیقه‌تی، كه‌ به‌سه‌ر سته‌مدا سه‌رده‌كه‌وێ!

Previous
Next
Kurdish