فه‌رهادی ڕه‌حمه‌تی : من نازانم له كوێم ! …. ئامادەکردنی: هەژار تەها
” من نازانم له كوێم ” ، ئه‌مه ووته‌ی په‌نابه‌رێكی ئێرانییه به‌ناوی فه‌رهادی ڕه‌حمه‌تی كه له ترسی نه‌بوونی پارێزگاری داوای مافی په‌نابه‌رێتی پێشكه‌ش به دوورگه‌ی پاپانیوگینیا نه‌كردووه كه بۆ ماوه‌ی چه‌ندین ساڵه له‌و دوورگه‌یه ژیان به‌سه‌رده‌بات.
ڕه‌حمه‌تی ، ده‌ڵێت له پاش گیانله‌ده‌ستدانی ئه‌و په‌نابه‌ره كورده‌ی كه له شوباتی ساڵی 2014 دا گیانی له‌ده‌ستدا ، ئیتر متمانه‌یان نه‌ماوه به‌وه‌ی كه له‌لایه‌ن به‌رپرسانی ئه‌و دوورگه‌یه‌وه بیان پارێزرێن.
به ووته‌ی ڕه‌حمه‌تی ، هه‌رچه‌نده دواتر كه‌یسی پێشكه‌ش كردووه له ناچاریدا له ساڵی 2016 دا به‌ڵام كه‌یسه‌كه‌ی ڕه‌تكراوه‌ته‌وه و له ئێستادا خاوه‌نی هیچ به‌ڵگه‌نامه‌یه‌كی مانه‌وه له‌و دوورگه‌یه نییه.
په‌نابه‌رانی دوورگه‌ی پاپانیوگینا و ناورۆ كه به‌شێكیان كوردن ئه‌و كه‌سانه‌ن كه ویستویانه به قاچاخ و به به‌له‌م ڕوو له ئوسترالیا بكه‌ن به‌ڵام له لایه‌ن هێزه ده‌ریاییه‌كانی ئوسترالیاوه ده‌ستگیركراون و ڕه‌وانه‌ی كه‌مپه‌كانی ئه‌و دوو دوورگه‌یه كراون و هه‌رگیز له ئوسترالیا نیشته‌جێ ناكرێن.
ئێستا فه‌رهادی ڕه‌حمه‌تی و چه‌ندین په‌ناخوازی تر نه مافی مانه‌وه‌یان له پاپانیوگینیا نییه و داهاتووشیان نادیاره.
سه‌رچاوه : ماڵپه‌ری هه‌واڵی ئه‌ی بی سی نیوز
Dengekan
دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.
