Skip to Content

قازانجی جەنگ لە چیدایەو بۆ کێیە …؟! … موزەفەر عەبدوڵا

قازانجی جەنگ لە چیدایەو بۆ کێیە …؟! … موزەفەر عەبدوڵا

Closed
by ئازار 10, 2018 General

لەمساڵدا بای ١٧ملیارو نیو چەکمان فرۆشتوە … پۆتین وادەڵیت.….

لە سەرەتای ساڵی ١٩٩٠ وە ،کە بە کۆتایی هاتنی جەنگی ساردی نێوان بلۆکی ڕۆژئاوای سەرمایەداری بازاری ئازاد بە ڕابەری ئەمریکاو، بلۆکی ڕۆژهەڵاتی سەرمایەداری دەوڵەتی بەڕابەری یەکێتی سۆڤیەتی بەناو شۆسیالیستی هەرەسهێناوە ،تا ئیستا هەمو مێژووی سەدەکانی ڕابردوو بە قەد ئەم نزیک بە سی ساڵە جەنگی کارەساتباری بەخۆیەوە نەدیوە .ئەو کوشتو کوشتار، ئاوارەیی ، دەربەدەری ، پەنابەری ، بیکاری ، هەژاری ، قاتوقڕی و دوژمنایەتی یە نیوان خەڵک کە دورستیان کردوەو ڕویانداوە لەهەمو میژویی رابردوی سەدەکانی تری نەبوە.لە کاتێکدا هۆشیاری و زانستو زانیاری و لەهەمو بوارێکدا لەهیچ سەردەمیکدا وا پەرە سەندو نەبوە.هەر بۆیەش لەم سی ساڵە هەواڵو پرسو ڕاگورینەوەو هەڵوێست گرتن لەبارەی جەنگەوە بەشی نیوەی زیاتری هەمو دامودەزگای ڕاگەیاندنەکان و قسەوباسی سیاسەتمەداران و هەر مرۆڤێکی ئاسایی بوە وەکوەک پیویستی خواردنی رۆژانەی لێهاتوە.

بەڵام زیاتر بونی کارەساتەکان لە رووی سیاسی یەوە لەوەدایە کە بەشی هەرە زۆری مرۆڤەکان ، تەنانەت ڕاڤەکارە سیاسی یەکان و چاودێرانیش ، پێیان وایە هۆکاری ئەم جەنگانە لەسەرو ئیرادەی مرۆڤەکان و حزب و دەسەڵاتو ڕژێمو سیستەمە سیاسی یەکەی دونیادایە. زۆر بە دەگمەن دەبینین و دەبیستین دەخوێنیەوە کە ئاماژە بەوە بدەنو جەختی لێبکەنەوە کە بابە جەنگ درێژەی سیاسەتە بە شێوەی هەرە توندو تیژی یەکەی .سیاسەتیش جگە لە سەرخانی ئابوری زیاتر هیچی تر نی یە . ئەم ڕایە لەسەر جەنگ هەمو ڕاڤەکاران و سیاسەتمەداران و چاودیران لە من باشتر دەزانن بەڵام کێشەکە ئەوەیە کە دەگمەنیان لە ڕوانگەی ململانێی و بەرژوەندەی ئابوری و سیاسی یە چینایەتییەوە هەم لە تێزو ڕایەکەو هەم لە جەنگەکان دەڕوانن.

بەڵام کاتێك جار جار قسەی هەندێك لە سەرۆکەکانی جیهانمان بەرگوێ دەکەوێت لەسەدا سەد ڕاستی ئەو ڕاو تێزەمان بۆ دەسەلمێت کە بەڵێ هەمو جەنگەکان پێویستی یەکی حەیاتی ئابوری سیستەمە چینایەتی یەکانن لەوەی کۆمەڵگا دابەش بوە بەسەر چینە کۆمەڵایەتی یەکان لە دەوری موڵکداری تایبەتی . وە ئەمەش بۆتە هۆکارو سەرچاوەی سەرەکی هەڵگیرسانی جەنگ.سیستەمی ئابوری وسیاسی ئەم دوو سێ سەدەیەیەش کە سەرمایەو سەرمایەداری یە جەنگی کردۆتە پێویستی یەکی هەمیشەیی بۆ بەدەست هینانی قازانجی سەرمایەو ڕاگرتنی دەسەڵاتەکەی.
جا ئەم قازانجەی سەرمایەیە لە زۆر بوارەوەیە.یەکێک لەو بوارانە قازانجە لە بواری فرۆشتنی چەکو تەقەمەنی.ئەمە لە قسەکەی فلادمیر پۆتین بە ئاشکرا دیارە کە لە کؤبونەوەی لەگەڵ دەزگایەکی کاروباری جەنگو پیشەسازی چەک کردونی و دەڵیت
تەنها لەمساڵدا زیاتر لە ١٧ ملیار دۆلار چەکمان فرۆشتوە.

جا خوێنەرانی ئازیز..! کاتێک ئەم ڕێژە قازانجەت بەرچاو دەکەوێت کەمێک بیری لیبکەوە ئەمە تەنها ژمارەیەکی ڕووت نی یە لە دەمی پۆتین وەک بایەک دەرپەڕی بێت ..نەخێر ! بەڵکو ئەم ژمارەیە مانای قوڵی ئابوری وسیاسی و..هتد هەیە.
ئەو روسیایە لە سەرەتای نەوەد کە هیچ نەبو لە دوای هەرەسی سۆڤیەت و ئەمریکا وەک مشک یاری پێدەکردو شاپو شەپازلەی لێدەدا بە تایبەتی لە دەورانی یەلستن. ئیستا بۆتە ئەو زلهێزەی کە پۆتین زۆر جار شاپو شەپازلە لە ئەمریکا دەدات .
دیارە ئەم ١٧ ملیار قازانجە دەچیتە سەر ئابوری روسیا کە ئابوری سەرمایەداری یە نەک فیودالی و کۆیلایەتی . ئینجا جا بیهێنینە پیشەو چاو ئاخو خودی ئەمریکاو فەرەنساو بەریتانیاو ئەلمانیاو چین و زۆری تر جەند قازانجیان تەنها لەمساڵدا کردو؟!!
پرسیارێکی سەرەکی تر ئەوەیە ئەم هەمو چەکە بەسەر کێو کەی ولەکویدا بەکار هاتووە ؟! بیگومانە هەموی بە سەر ئیمەدا لەم وولاتانەی وەک عیراقو سویاو لیبیاو یەمەن و وولاتانی تری گیرۆدە بە قەیرانو ململانی و شەر لە کیشوەرەکانی تریش.وە کە لە داهاتوشدا جەنگی تر .تەنانەت جەنگیکی تری سەرتاپاگیری جیهانی لەبەردەم دەرگاماندایە ئەگەر دژی ئەم جەنگانەی ئیستا نەوەسینەوە.

با بیهێنینە بەرچاومان تەنها بەم حەڤدە ملیار دۆلارە چەکو تەقەمەنی یە چەند کەس لەم ووڵاتانە کوژراونو بریندارو پەککەوتە بونو ئاوارەو برسیوبێکارو هەژار بون..هتد
بیهینینە بەرچاومان ئەگەر ئەم ١٧ ملیارە تەنها بۆ بواری تەندروستی بەکارهاتبا لە ڕوسیا خەڵک چەند سودمەند دەبون.ڕەنگە بڵێن و بپرسن ئاخر روسیای پۆتین لە فرۆشتنی ئەم جەنگەو چەکانە قازانجی کردوە بۆ باشو باشتر کردنی ژیانی خەڵکەکەی.؟!
گومانی تیا نی یە ئەمە ڕای هەندێک لە نوسەرە نوکەرە بەئاگاکانی دەوری پۆتین و ترامپەن کە بۆ قازانجی سیستەمەکەیان دەیکەن. یان نوسەرەگەمژەکانی خوارەی سیستەمەکەیانن کە بەرامبەر کرێی نوسینکەکانیان وەری دەگرن تا ئێوارە قاپە ئارەقە فەلەکەیانی پێ بخونەوە .خۆ ئەگەر ئەمە رای بەشێک لە و خەڵکە ستەملیکراوە بێت ئەوە ئاکامی نا هۆشیاری چینایەتی وگێژ بونیانە بە بیروباوەری نیشتیمانچێتی و نەتەوەچیتی ئەو دیاردە سیاسی یانە.
لە ڕاستیدا ئەگەر ئەو جەنگانەی بەناوی پاراستنی خەڵکی ئەو ووڵاتانەوە کراوە کە ڕژیمەکانو سەرۆکەکانیان بەرییان خستون وا پڕوپاگەندەی بۆ دەکەن وەک پۆتین و ترامپ و بلیرو ئوردەگان و گەورەو بچوکیان ئەوە دەبو ئێستا لەو ووڵاتانە هەژاری و بێکاریو برسێتیو ئاوارەییو بێخانەولایەنیی دەیان دیاردەی تری خراپ نەبوایە.
بەڵام دیارە ١٧ ملیارەکەی پۆتین لەشەڕەکاندا تەنها لە قازانجی سەرمایەو سیستەمە سەرمایەداری یەکەیدایە.

Previous
Next
Kurdish