Skip to Content

ئه‌م مه‌مله‌كه‌ته‌ …. حه‌مه‌ هیوا

ئه‌م مه‌مله‌كه‌ته‌ …. حه‌مه‌ هیوا

Closed
by ئازار 10, 2018 General, Poems

حه‌زده‌كه‌م عاشق ببم
عاشقی كچێك كه‌ به‌زۆره‌ملێ پارچه‌یه‌ك
قوماشی كرابێته‌ سه‌ر
عاشقی كچێك هه‌موو ژیانی له‌ ژورێكدا به‌سه‌ربردبێ
هه‌موو خه‌ونی هه‌بوونی كه‌مانچه‌یه‌كی ڕه‌ش و لێكردنه‌وه‌ی گوڵێكی ئه‌رخه‌وانی بوبێ،
كچێكم خۆشبوێت كه‌ پێم بڵێت تا دواهه‌مین سه‌فه‌ر وه‌ك كۆچكردویه‌ك له‌گه‌ڵت ڕێده‌كه‌م.
هه‌موو به‌یانیه‌ك
به‌ ئاوازی په‌ڕه‌سێلكه‌كان له‌ خه‌و به‌ ئاگا بێین
و
له‌ ده‌شتاییه‌ك پێكه‌وه‌ نوقمی چاوانی یه‌ك بین و كه‌روێشكێكی سپی و سۆڵ بێت
و
ئۆكۆردیۆنمان بۆ بژه‌نێت
گشت په‌پووله‌كان بێن و به‌ دیارمانه‌وه‌ بنیشن و بفڕنه‌وه‌.
……
نیشتیمانم خۆش ناوێت،له‌ بری نیشتیمان مناڵێكی سواڵكه‌رم خۆشده‌وێت و هه‌موو پیرۆزیه‌كان ده‌كه‌م به‌ فیدای،ئاڵای نیشتیمان ده‌هێنم و پارچه‌ پارچه‌ی ده‌كه‌م وه‌ك په‌ڕۆیه‌ك و فرمێسكی گشت مناڵه‌ بێنازه‌كانی پێ ئه‌سڕمه‌وه‌.
نیشتیمانی من لێوان لێوه‌ له‌ بونی حاجی ئاغاكان،گشت حاجی ئاغاكان له‌ گۆڕه‌پانێكی لماویدا كۆده‌كه‌مه‌و
گشت كچه‌ غه‌مگینه‌كان له‌ زیندانی ئه‌واندا ده‌رده‌هێن،وه‌ك ڕیشۆڵه‌یه‌ك له‌ قه‌فه‌زدا،بۆنی مرۆڤ بونیان پێ ده‌ناسێنم.
……
له‌م مه‌مله‌كه‌ شانازی هیچ شتێك ناكه‌م
لێره‌
منداڵه‌كان له‌ بری ئه‌وه‌ی
فێری وه‌فاداری و خۆشه‌ویستی بكرێن،
فێری لێكردنه‌وه‌ی گوڵ ده‌كرێن
دایك و باوكانی ئێره‌،
له‌ بری ئه‌وه‌ی وه‌چه‌كانیان فێری پاكیزه‌یی بكه‌ن
فێر ده‌كرێن،
لاپه‌ره‌ی كتێبه‌كان بدڕن و كۆلاره‌و فرۆكه‌ی پێ دروست بكه‌ن،
لێره‌ له‌ بری ئه‌وه‌ی مرۆڤه‌كان گوێ له‌ میوزیك بگرن،
گوێ له‌ مه‌لاكان ده‌گرن،
ئه‌و مه‌لایانه‌ی پێیان وایه‌
شه‌ره‌ف له‌ پارچه‌ گۆشتێك دایه‌
ئه‌و مه‌لایانه‌ی كه‌ پێیان وایه‌
لێدانی دایك و باوك شیفایه‌!

10/3/2018

mm

دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.

Previous
Next
Kurdish