Skip to Content

290 Views

عەفرین بانگم دەکات… مەولود ئیبراهیم حە سەن

عەفرین بانگم دەکات… مەولود ئیبراهیم حە سەن

Be First!
by March 13, 2018 General, Poems
image_print

ئە فسوس..
ئێستا ناتوانم
وەک پڵنگ بەدوای ئاسکدا ڕابکەم ،
ئێستا ناتوانم
وەک ئاسک لە دەست پڵنگ هه ڵبێم ،
عە فرین بانگم دەکات ..
سە وزە فرۆشکە هێشتا پاڵکەوتووە
چاوەڕێیە باڵی بگرم و
بیخەمەوە سەر کورسیە شڕەکە و
تائێوارە لە جیاتی ئە و
سەوزە بفرۆشم .
***
مامۆستائ مزگەوتە نیوە ڕوخاەوکە
جاوەڕێم دەکات
ژمارەی نوێژکەرانی ببن بە چل کە س .
مامۆستای قتابخانە نێوە ڕوخاوەکە
چاوەڕێم دەکات
ئەمڕۆ لە جیاتی فەڕاشەکە
من دەرگای قوتابخانە بکەمەوە و
تۆزی سە رکتێبە کان بتە کێنم و
ڕحلەکان ڕێک بخەمەوە و
دەستی منداڵە پێ بڕاوەکە بگرم و
لە تە نیشت دیوار بیخەمە ڕیزەوە
تا فێربێ بنووسێ بژی کوردستان .
***
ئەوەتا ئاوی پڕژۆەکە گیراوە تەوە
گەرەکە بچم بیکەمەوە
تا ئیماندارەکان دەسنوێژ هه ڵگرن
بۆ ئەوەی نزاکانیان گیرابێ
منداڵەکان پێش ئەوەی
بچنە قوتابخانە
جوان ..جوان دەم و چاویان بشۆن
بۆ ئەوەی ژیان بە جوانی ببێنن .
تا هه ڤاڵەکان مە تارەکانیان
پڕکەن لە ئاوی نێشتمان
بۆ ئەوەی دەروونیان
پڕ بێت لە نیشتمان .
***
کاری زۆرم لە پێشە
گوڵی نێو مەرکانی سەر مەزارو
چیمەنی سەر گۆڕی شە هیدە کان ئاوبدەم
عە فرین بانگم دەکات..
زۆر درەنگە
کارگوزاریەکەی نەخۆشخانە
چاوەڕێیە هاوڵاتیە بریندارەکەی
لە گەل بگە ینمە ژووری نە شتەرگەرێ .
منداڵە دەستبڕاوەکە چاوە ڕێیە
شۆرباکەی بە دەمە وە بکەم و
دەبێ خۆ بگە ینمە ئەو دایک و باوکەی
بە جووتە شانیان داوەتە بەر کەژاوەی
کچە تاقانەکەیان .
یارمەتی ئە باوکە بدەم کە خەریکە
دوا شەهیدی ماڵباتە کەی دەنێژێ .
دەبێ زوو بچمە سە ر ئەو گۆڕستانە بریندارەو
برینەکانیان بپێچمەوە
فاتیحەیەک بۆ ئەو کێلە شەهیدانە بخوێنم .
***
عەفرین بانگم دەکات
تازووە خۆ بگەینمە ئەوجوتیارەی
ئێستا کێلگەکەی چاوەڕێیە
تراکتۆرەکەی بیتەوە
ئەو تراکتۆرەی
جوتیارەکە خۆی بە قوربانی کرد .
دەبێ بەوە ڕابگەم
پیش ئەوەی تاریک داىێت
دەرگای مریشکەکان دابخەم
مرێشک دز زۆر بووە .
***

عە فرین بانگم دەکات
ئەفسوس.. پیریی یارمەتیم ناداو
ئێساتا ناتوانم
وەک ئاسک لە دەست پڵنگ ڕاکەم و
وەک پڵنگ بەدوای ئاسکدا غاربدەم
ئە فسوس فرمێسکی پیری
ڕێگە نادا مەیدانی ڵاپەڕە بەجوانی ببێنم
پیری یارمەتیم نادا
ڕێگای مەیدانی بەرخۆدان بگرمەبەر
ئەوەتا ئاڤێستا خابوور
بەرهه می خەبات دەچنێ
لە ژێر هه ردار زەیتوونێکی سەوزدا
لە پەنا هه ربەردێکی بەرخۆدان
دەستی لە سەر تفەنگە
ئاڤیستا ئێستا لە شکرێکە .
***
ئەوەتا بارین کۆبانی
بە باڵی فریشتەییەوە
بە ئاسمانی ناوچەکەدا دەسوڕێتەوە
دەسوڕێتەوە ڕووت ڕووت
زۆر بە پیرۆزییەوە
ڕووناکی دەدات بەڕۆژ
بە بانگی بەرز
ڕوو لە سەرچەتەی چەتان دەچرێکێنێ :
بەڕووتیش ..لە ئێوە پۆشتە ترم
•بە کوژراوێس ..لە ئێوە زیندوترم
بە ئەتک کراوێش ..لە ئێوە شەریفرم
مەمکە بڕاوەکەم
ئێستا لوتکەی کێوی ئازادیە
جەستەی ڕووتم
ئێستا نیشتمانی دایکە
ڕووم ڕۆژی هه ڵاتووی ڕۆژهه ڵاتە
ڕۆژکوێرەکان نایبێنن .
***
درەنگمە زۆر درەنگ
عە فرین بانگم دەکات
ئەوەتا دایکە پیرەیەکی تەنیا
لە ماڵێکی تەنیا
لە گوندێکی تەنیا
ڕوو لە سەرچەتەی چەتان دەڵێ:
ئەز ناڕە ڤم
عەفرین عەفرینامەیە .
***
عە فرین بانگم دەکات ..
زۆر درەنگە
دەچم…هه رلێرەم
بە دیل دەگیرێم…هه رئازادم
شە هید دەکرێم و هێشتا زیندووم .
***
زۆر درەنگە
عە فرین بانگم دەکات
درەنگە شەوداهات
دەبێ چیڕۆکێک بۆ ئە و منداڵە بگێڕمەوە
لە جیاتی باپیرەی
بەم سەرماوبرینداریەوە
خەوی لێناکەوێ
ئەوە دوا چیرۆکە دەیبیسێ .
***
عە فرین بانگم دەکات
دەبێ هه رچی زووە
فیشەک بگەینمە شەڕڤانەکان و
تۆزێک ورەیان لێوەرگرم
بیدەمەوە بە میدیاکاران
چەند وێنەیەکی داگیرکەربگرم
لە کاتی هه ڵاتن
چەکە جێماوەکانیان کۆکەمەوە
کوژراەکانیان بنێژم
دیلەکانیان ناو نووس بکە م .
***
زۆر درەنگە
هه رلێرەم ..کە دە چم
ئازادم ..کە دیل دەکرێم
هه ر زیندووم ..کە شەهید دەبم
عە فرین بانگم دەکات .
***
درەنگمە هه رچی زووە
دەبێ بارەگای
نەتەوە یەکگرتووە کان
دابخەم
تابلۆی دێموکراتیەت
دابگرم
کتێبی مافی مرۆڤ
بسوتێنم
بە هاو پەیمانان بڵێم
درۆدەکەن .
***
عەفرین بانگم دەکات
هه رچی زووە
دەبێ کوردەکان کۆبکەمەوە
پێیان بڵێم
بۆ یەکەمینجاروبۆ هه میشە
یەکگرن
دنیای دوژمن
لە بەردەرگایە .
زۆردرەنگە
عەفرین بانگم دەکات .

مەولود ئیبراهیم حە سەن ١٠/٣/٢٠١٨ – هه ولێر

Previous
Next

Leave a Reply