Skip to Content

129 Views

عەفرین … ئیسماعیل تەنیا

عەفرین … ئیسماعیل تەنیا

Be First!
by March 27, 2018 General, Poems
image_print

پێرێ شەنگال
دوێنێ کەرکوک
لەژێر زەبری
شمشێر وەشێنی ڕیش چڵکن
بە نابەدڵی کران بە بوک.
ئەمڕۆش
بە تانکی (بسمارک) و
سیخۆی ستالین
باڵای زراڤی زەیتونم
گەوزان لە خین.

لەژێر سێبەری عەمامەو
بە سورەتی (فەتحول موبین)
داگیر کرا، وێران کرا
عەفرین… عەفرین.

هەر ئێمەینە مێگەل ئاساو
هیچتر لە هیچ
بۆ دوژمنێک کەوتوینەتە هەلەکە سەما
پیچتر لە (پیچ)
وەک وەی نە بارانمان دیبێ و
نە گڤە گڤی ڕەشەبا.

* پیچ: وشەیەکی تورکییە بە مانای (زۆڵ) دێت.

Previous
Next

Leave a Reply